இந்திய சுகாதார அமைச்சர் கொழும்பு வருகை

இந்தியாவின் மத்திய சுகாதார மற்றும் குடும்ப நலத்துறை அமைச்சர் ஜே. பி. நட்டா, நேற்று இலங்கை வந்தடைந்தார்.

பிம்ஸ்டெக் அமைப்பின் சுகாதார அமைச்சர்களின் முதலாவது கூட்டத்தில் பங்கேற்பதற்காகவே அவர் கொழும்பு வந்துள்ளார்.

இலங்கைக்கான இந்திய தூதுவர் சந்தோஷ் ஜா, இந்திய சுகாதார அமைச்சர் ஜே.பி.நட்டாவை கட்டுநாயக்க விமான நிலையத்தில் வரவேற்றார்.

“பிரதமர் நரேந்திர மோடியின் ‘அண்டை நாடுகளுக்கு முன்னுரிமை’ (Neighbourhood First) மற்றும் ‘கிழக்கு நோக்கிய செயல்பாடு’ (Act East) கொள்கைகளின் வழிகாட்டுதலின்படி, ஆரோக்கியமான, அதிக மீள்தன்மை கொண்ட மற்றும் வளமான பிம்ஸ்டெக் பிராந்தியத்தை உருவாக்குவதில் இந்தியா உறுதியாக உள்ளது” என்று அமைச்சர் ஜே. பி. நட்டா குறிப்பிட்டுள்ளார்.

இந்திய மத்திய சுகாதாரம் மற்றும் குடும்ப நல அமைச்சகம் வெளியிட்டுள்ள தகவலின்படி, நட்டாவின் இந்த பயணம், பிராந்திய சுகாதார ஒத்துழைப்பை வலுப்படுத்துவதற்கும், பொது சுகாதார முன்னுரிமைகளை முன்னெடுத்துச் செல்வதற்கும், சிறிலங்கா மற்றும் பிற பிம்ஸ்டெக் உறுப்பு நாடுகளுடன் இந்தியாவின் சுகாதாரக் கூட்டாண்மையை ஆழப்படுத்துவதற்கும் ஒரு “முக்கியமான படியாகும்.