திருகோணமலை சேறுநுவர பொலிஸ் பிரிவிற்குட்பட்ட தங்கநகர் பிரதேசத்தில் யானை தாக்கியதில் நபரொருவர் உயிரிழந்துள்ளார். இச்சம்பவம் இன்று (30) காலையில் இடம்பெற்றுள்ளது. தன்னுடைய வயலில் வேலை செய்து கொண்டிருந்தபோது யானை தாக்கியதாகவும் தெரிய வந்துள்ளது. இவ்வாறு உயிரிழந்தவர் அதே பகுதியைச் சேர்ந்த ராசேந்திரன் லிங்கரத்ணம் (58வயது ) எனவும் பொலிஸார் தெரிவித்தனர். உயிரிழந்தவரின் சடலம் பிரேத பரிசோதனைக்காக திருகோணமலை பொது வைத்தியசாலைக்கு அனுப்பி வைக்கப்படவுள்ளதாகவும் சம்பவம் தொடர்பில் விசாரணைகளை மேற்கொண்டு வருவதாகவும் சேறுநுவர பொலிஸார் தெரிவித்தனர்.

பொத்துவில் பகுதியில் பேருந்து கவிழ்ந்து விபத்து ஏற்பட்டுள்ளது. விபத்தில் ஒருவர் உயிரிழந்துள்ளதாகவும், 57 பேர் காயமடைந்துள்ளதாகவும் தெரிவிக்கப்பட்டுள்ளது. காயமடைந்தவர்களை அவசரமாக மருத்துவமனையில் சேர்க்க நடவடிக்கை எடுக்கப்பட்டு வருவதாகவும் கூறப்படுகிறது. கெப்பட்டிபொலவிலிருந்து அருகம் விரிகுடாவிற்கு சுற்றுலா சென்ற பேருந்து ஒன்று இந்த விபத்தில் சிக்கியுள்ளது. கோமாரி பகுதியில் உள்ள பாலத்தில் மோதி பேருந்து கவிழ்ந்ததாகவும் கூறப்படுகிறது.

  துப்பாக்கிச் சூடு அல்லது வெடிப்பு காயங்களால் உயிரிழந்த ஐம்பதுக்கும் மேற்பட்டோரின் எலும்புகள் அகழ்ந்து எடுக்கப்பட்ட பின்னர் நீதிமன்ற உத்தரவிற்கு அமைய மூடப்பட்ட, முல்லைத்தீவு கொக்குத்தொடுவாய் மனித புதைகுழியில் இருந்து மீட்கப்பட்ட பிற பொருட்களின் அடையாளத்தை வெளிப்படுத்த எவரும் முன்வரவில்லை என்பது தெரியவந்துள்ளது. இலங்கையின் ஆறாவது பெரிய மனித புதைகுழியான கொக்குத்தொடுவாய் மனித புதைகுழி தொடர்பான வழக்கு, முல்லைத்தீவு நீதவான் நீதிமன்ற நீதிபதி தர்மலிங்கம் பிரதீபன் முன்னிலையில் நேற்று முன்தினம் விசாரணைக்கு எடுத்துக்கொள்ளப்பட்டது மீட்கப்பட்ட பிற பொருட்களை […]

இந்திய நிர்வாகத்திற்கு உட்பட்ட காஷ்மீரில் ஏற்பட்ட நிலச்சரிவில் 11 பேர் கொல்லப்பட்டனர். மேலும் இருவர் காணாமல் போயுள்ளனர். நிலச்சரிவில் நாட்டில் ஏராளமான கட்டிடங்கள் சேதமடைந்துள்ளன, மேலும் இடம்பெயர்ந்த மக்களை பாதுகாப்பான இடங்களுக்கு வெளியேற்ற அதிகாரிகள் நடவடிக்கை எடுத்துள்ளனர். கடந்த சில வாரங்களாக பெய்த கனமழை காரணமாக அப்பகுதியில் இதுவரை 80 பேர் உயிரிழந்துள்ளதாக வெளிநாட்டு ஊடகங்கள் செய்தி வெளியிட்டுள்ளன. மேலும் 30 பேர் காணாமல் போயுள்ளதாக தகவல்கள் தெரிவிக்கின்றன.

இலங்கையின் முன்னாள் ஜனாதிபதி ரணில் விக்கிரமசிங்க எதிர்வரும் 6 ஆம் திகதி சிறப்பு அறிக்கையொன்றை வெளியிட உள்ளார். கட்சி மாநாடும் எதிர்வரும் 6 ஆம் திகதி நடைபெறவுள்ளதுடன், இந்த நிகழ்வில் முன்னாள் ஜனாதிபதி இந்த அறிக்கையை வெளியிடுவார் என எதிர்பார்க்கப்படுகிறது. பொது சொத்துக்கள் சட்டத்தின் கீழ் விளக்கமறியலில் வைக்கப்பட்டுள்ள முன்னாள் ஜனாதிபதி ரணில் விக்கிரமசிங்க, 26 ஆம் திகதி பிணையில் விடுவிக்கப்பட்டார். முன்னாள் ஜனாதிபதி தொடர்பாக சமர்ப்பிக்கப்பட்ட மருத்துவ அறிக்கைகளை பரிசீலித்த பின்னர், கோட்டை நீதவான் நிலுபுலி […]