UK வில் புலம்பெயர்ந்தோருக்காக 40 மில்லியன் செலவு

பிரித்தானியாவை விட்டு தன்னார்வமாக வெளியேறும் புலம்பெயர்ந்தோருக்கு £3,000 பவுண்ட்ஸ் வரை உதவித் தொகை வழங்கும்  திட்டத்திற்காக  தொழிலாளர் கட்சி கிட்டத்தட்ட £40 மில்லியனைச் செலவிட்டுள்ளது.

ஜூலை 2024 இல்  ஆட்சிக்கு வந்ததிலிருந்து, தொழிலாளர் கட்சி இந்தத் திட்டத்தை கணிசமாக விரிவுபடுத்தியுள்ளது. மார்ச் மாதத்திற்குள் 17,346 புலம்பெயர்ந்தோர் இந்த வாய்ப்பை ஏற்றுக்கொண்டுள்ளதாக தரவுகள் தெரிவிக்கின்றன.

ஒரு கட்டாயத் திருப்பி அனுப்புதலுக்கு £48,000 மற்றும் ஒரு புகலிட விடுதியில் ஒரு குடும்பத்திற்கு ஆண்டுக்கு £158,000 செலவாகும் நிலையில், ஒரு தன்னார்வத் திரும்புதலுக்கு சராசரியாக £4,000 மட்டுமே செலவாகிறது என்று உள்துறை அமைச்சகம் விளக்கம் அளித்துள்ளது.

புலம்பெயர்ந்தோர் வெளியேறுவதற்காகப் பணம் கொடுப்பதை விட, சட்டவிரோத வருகைகளைத் தடுப்பதில் தொழிலாளர் கட்சி கவனம் செலுத்த வேண்டும் என்று துணை உள்துறைச் செயலாளர் கிறிஸ் பிலிப் Chris Philp குறிப்பிட்டுள்ளார்.

கட்டாய நாடுகடத்தலுக்கு மிகவும் மலிவான மாற்றை வழங்குவதோடு, தனிநபர்களை கண்ணியத்துடன் நடத்துவதாகவும் கூறி, அகதிகள் சபை தன்னார்வத் திரும்புதல் செயல்முறையை ஆதரித்துள்ளது.