ஏதென்ஸில் 06 பேரை பலிகொண்ட வெடி விபத்து – 03 பேர் கைது

ஏதென்ஸில் கடந்த மாதம் எரிவாயு கசிவால் 06 பேர் உயிரிழந்த நிலையில் இந்த சம்பவத்துக்கு காரணமான மூன்று பேர் கைது செய்யப்பட்டுள்ளனர்.

செப்பு எரிவாயுக் குழாய்களைத் திருடியதால் ஏற்பட்ட கசிவே வெடி விபத்திற்கு காரணமாக அமைந்ததாக கூறப்படுகிறது.

இந்நிலையில் இந்த சம்பவம் தொடர்பில் இரு கிரேக பிரஜைகள் மற்றும் ஒரு அல்பேனிய பிரஜை கைது செய்யப்பட்டுள்ளதாக பொலிஸார் அறிவித்துள்ளனர்.

விசாரணையைத் தொடர்ந்து, வெடிப்பு நிகழ்வதற்கு சில மணி நேரங்களுக்கு முன்பு சந்தேக நபர்கள் செப்புக் குழாய் பாகங்களை அகற்றியபோது, ​​இரண்டு மாடிக் கட்டிடத்தின் பிரதான இயற்கை எரிவாயு விநியோக உள்கட்டமைப்பைச் சேதப்படுத்தியுள்ளாக தீயணைப்புப் படையின் குற்றப் புலனாய்வுப் பிரிவின் நிபுணர்கள், தெரிவித்துள்ளனர்.

இந்நிலையில் குடியிருப்பாளர்களில் ஒருவர் அதிகாலையில் விளக்கை எரியவிட்டபோது இந்த வெடிப்பு நிகழ்ந்ததாக கூறப்படுகிறது.

சந்தேக நபர்கள் மூவரும் இன்றைய தினம் நீதிமன்றத்தில் முன்னிலைப்படுத்தப்படுவார்கள் என தெரிவிக்கப்பட்டுள்ளது.