எபோலா தொற்று – சுவிஸில் சிகிச்சைப் பெற்றுவந்த பெண் வீடு திரும்பினார்

சுவிட்ஸர்லாந்தின் ஜெனீவா நகரில் எபோலா தொற்றால் மருத்துவ கண்காணிப்பில் வைக்கப்பட்டிருந்த பெண் இன்று வீடு திரும்பியுள்ளதாக அறிவிக்கப்பட்டுள்ளது.

எபோலா தொற்றுக்கு உள்ளான குறித்த பெண் நைஜீரியாவில் சிகிச்சைப் பெற்று வெளியேறிய பின், சுவிட்ஸர்லாந்தில் மருத்துவ கண்காணிப்பில் வைக்கப்பட்டிருந்தார்.

“அவர் முழுமையாக குணமடைந்துவிட்டதை மருத்துவக் குழு உறுதிப்படுத்திய பிறகு, மருத்துவமனையில் இருந்து வெளியேறியுள்ளதாக மருத்துவமனை தகவல்கள் தெரிவித்துள்ளன.

ஆப்பிரிக்க நாட்டில் பேரழிவை ஏற்படுத்தி வரும் எபோலா பெருந்தொற்று உலகம் முழுவதும் பரவலாம் என்ற அச்சம் எழுந்துள்ளது.

இந்நிலையில் காங்கோ, நைஜீரியாவில் இருந்து வரும் பயணிகள் குறித்து நாடுகள் மிகுந்த கரிசனை கொண்டுள்ளமை குறிப்பிடத்தக்கது.