வாழ்க்கை செலவு நெருக்கடி – பிரித்தானியர்களுக்கு ஊதிய உயர்வு

தேசிய வாழ்க்கை ஊதியம் (National Living Wage) மற்றம் குறைந்தபட்ச வாழ்க்கை ஊதியம் (National Minimum Wage) ஆகிய இரண்டையும் உயர்த்துவதாக நிதியமைச்சர் ஜான் ஹீலி அறிவித்துள்ளார்.

தனது முதல் நிதிநிலை அறிக்கையை தாக்கல் செய்த அவர் இவ்வாறு அறிவித்துள்ளார்.

இதன்படி  2027 ஏப்ரல் முதலாம் திகதி முதல் தேசிய வாழ்க்கை ஊதியம் 13.21 பவுண்டுகளாக உயர்த்தப்படவுள்ளது.

இது, தேசிய வாழ்க்கை ஊதியத்தில் பணிபுரியும் ஒரு முழுநேர ஊழியரின் மொத்த ஆண்டு வருமானத்தில் 910 பவுண்டுகள் உயர்வதற்கு சமமாகும்.

அதேவேளையில், 18 முதல் 20 வயதுக்குட்பட்டவர்களுக்கான தேசிய குறைந்தபட்ச ஊதியம், ஒரு மணி நேரத்திற்கு 11.27 பவுண்டுகளாக அதிகரிக்கப்படும் என்று தெரிவிக்கப்பட்டுள்ளது.

இது தொடர்பில் உரையாற்றிய  ஜான் ஹீலி, மிகக் குறைந்த ஊதியம் பெறும் 23 லட்சம் ஊழியர்களுக்கு, தேசிய குறைந்தபட்ச ஊதியம் மற்றும் தேசிய வாழ்க்கை ஊதியம் ஆகிய இரண்டையும் 3.9 சதவீதம் உயர்த்துகிறேன்” என்று குறிப்பிட்டுள்ளார்.

மேலும், வாழ்க்கைச் செலவு நெருக்கடியைச் சமாளிக்க குடும்பங்களுக்கு உதவும் வகையில் பல்வேறு நடவடிக்கைகளையும் அவர் அறிவித்துள்ளார்.