யாழ் பல்கலைக்கழகத்தில் இரு மாணவர் குழுக்களுக்கு இடையே மோதல் – உள்ளக விசாரணை ஆரம்பம்
யாழ்ப்பாணப் பல்கலைக்கழகத்தில் கடந்த 19 ஆம் திகதி இரு மாணவர் குழுக்களுக்கு இடையே இடம்பெற்ற மோதல் குறித்து உள்விசாரணையைத் தொடங்கியுள்ளதாக பல்கலைக்கழக நிர்வாகம் அறிவித்துள்ளது.
யாழ்ப்பாணப் பல்கலைக்கழகத்தின் உப செயலாளர் சிரேஷ்டப் பேராசிரியர் டி. வேல்நம்பி, பொலிஸ் விசாரணைகளுடன் கூடுதலாக, பல்கலைக்கழக நிர்வாகத்தினால் தனி விசாரணைகள் ஆரம்பிக்கப்பட்டுள்ளதாகவும் தெரிவித்தார்.
மேலாண்மை மற்றும் வர்த்தக பீடத்தைச் சேர்ந்த இரண்டாம் மற்றும் மூன்றாம் ஆண்டு மாணவர் குழுக்களுக்கு இடையே கடந்த 19 ஆம் திகதி மோதல் வெடித்தது.
இதில் மூன்று மாணவர்கள் காயமடைந்த நிலையில் அவர்கள் ழ்ப்பாண போதனா மருத்துவமனையில் அனுமதிக்கப்பட்டுள்ளனர்.
மோதலில் ஈடுபட்டதாகக் கூறப்படும் 21 மாணவர்கள் கைது செய்யப்பட்டு யாழ்ப்பாண நீதவான் நீதிமன்றத்தில் ஆஜர்படுத்தப்பட்ட நிலையில் அவர்களை வரும் 26 ஆம் திகதிவரை விளக்கமறியலில் வைக்குமாறு நீதவான் உத்தரவு பிறப்பித்துள்ளார்.
இச்சம்பவத்தில் ஈடுபட்டதாகக் கூறப்படும் மேலும் பல மாணவர்களைக் கைது செய்வதற்கான நடவடிக்கையும் எடுக்கப்படும் என்று பொலிஸார் தெரிவித்துள்ளனர்.
மேலும், மோதலுக்கு வழிவகுத்த சூழ்நிலைகளை பல்கலைக்கழகம் ஆராய்ந்து, எதிர்காலத்தில் இதுபோன்ற சம்பவங்கள் மீண்டும் நிகழாமல் தடுக்கத் தேவையான நடவடிக்கைகளை எடுக்கும் என்று யாழ் துணைவேந்தர் தெரிவித்துள்ளார்.




