நதிக்கு மேலே மெல்லிய கயிற்றில் நடந்து சீன வீரர் சாகசம்

சீனாவின் யுனான் மாகாணத்தில் உள்ள நதிக்கு மேலே, வெறும் இரண்டரை சென்டிமீட்டர் மெல்லிய கயிற்றில் நடந்து, சீன வீரர் ஒருவர் செய்த சாகசம் செய்துள்ளார்.

சீனாவின் புகழ்பெற்ற ‘டைகர் லீப்பிங் கார்ஜ்’ பள்ளத்தாக்கில், ஜின்ஷா நதியின் குறுக்கே சுமார் 200 மீட்டர் தூரத்திற்கு அமைக்கப்பட்ட கயிற்றில், சாகச வீரர் ஷி ஹைலின் நடந்து சென்றார்.

கீழே நீர் சீறிப்பாய, சுழன்றடித்த காற்றில் கயிறு ஆடியபோதும், அவர் தனது கைகளை அகல விரித்தும், இடையிடையே முழங்கால்களை வளைத்து நிலைநிறுத்தியும் நடந்து சென்றது பார்ப்போரை திகிலடைய வைத்தது.

நதியின் நீர் பாயும் திசைக்கு எதிர் திசையில், ஆர்ப்பரிக்கும் ஆற்று வெள்ளத்திற்கு மேலே ஷி ஹைலின் 100 மீட்டர் தூரத்தைக் கடந்து சாதனை படைத்தார்.

இதற்கு முன்னர் அவர், சீனாவின் மஞ்சள் நதியை கயிற்றில் கடந்து சாதனை படைத்தமை குறிப்பிடத்தக்கது.