சென்னை, டெல்லி அணிகள் இன்று மோதல்!

IPL 2026 தொடரில் இன்று (05) நடைபெறும் 48 ஆவது லீக் ஆட்டத்தில் சென்னை சூப்பர் கிங்ஸ், டெல்லி கேப்பிட்டல்ஸ் ஆகிய அணிகள் மோதுகின்றன.

டெல்லி அருண் ஜெட்லி மைதானத்தில் இரவு 7.30 மணிக்கு போட்டி ஆரம்பமாகும்.

நடப்புத் தொடரில் 9 ஆட்டங்களில் விளையாடியுள்ள டெல்லி அணி, 4 வெற்றி மற்றும் 5 தோல்விகளுடன் புள்ளிகள் பட்டியலில் 7-வது இடத்தில் உள்ளது.

மறுபுறம் சென்னை அணி 9 ஆட்டங்களில் 4 வெற்றி, 5 தோல்விகளுடன் 6-வது இடத்தில் உள்ளது.

இரு அணிகளும் இதுவரை 32 முறை மோதியுள்ளன. அதில் சென்னை 20 முறையும், டெல்லி 12 முறையும் வெற்றிபெற்றுள்ளன.