பாடசாலை மாணவர்கள் பயங்கரவாதிகளா? ஈரான் ஜனாதிபதி கடும் சீற்றம்

மத்திய கிழக்கில் அதிகரித்து வரும் வன்முறைகள் தொடர்பில் அமெரிக்காவையும் இஸ்ரேலையும் ஈரான் ஜனாதிபதி மசூத் பெசெஷ்கியான் கடுமையாகச் சாடியுள்ளார்.

ஐக்கிய நாடுகள் பொதுச் சபைக் கூட்டத்தில் பங்கேற்பதற்காகக் புறப்படுவதற்கு முன்னர் ஊடகங்களுக்குக் கருத்துத் தெரிவிக்கும் போதே அவர் இவ்வாறு குறிப்பிட்டார்.

“இன்று தங்களது கட்டுப்பாட்டில் உள்ள தொழில்நுட்பங்கள், செயற்கை நுண்ணறிவு (AI) மற்றும் நவீன கருவிகளைப் பயன்படுத்தி அவர்கள் விரும்பிய குற்றங்களைச் செய்து வருகிறார்கள்.

ஆனால், துரதிர்ஷ்டவசமாகத் தாங்கள் பயங்கரவாதிகளுக்கு எதிராகவே செயல்படுவதாக அவர்கள் உரிமை கோருகின்றனர்” என்று அவர் தெரிவித்தார்.

தொடர்ந்து பேசிய அவர், “மினாப்பில் (Minab) கொல்லப்பட்ட எங்களது அப்பாவிப் பள்ளிச் குழந்தைகள் பயங்கரவாதிகளா? லேமர்டில் (Lamerd) இருந்தவர்கள் பயங்கரவாதிகளா?

பயங்கரவாதிகளைத் தாக்குவதாகக் கூறிக்கொண்டு அவர்கள் வீடுகள், மருத்துவமனைகள் மற்றும் பிற பொது இடங்கள் மீது குண்டுவீசுகிறார்கள். அவர்களுக்கு உண்மையிலேயே பயங்கரவாதிகளுடனா பிரச்சினை இருக்கிறது?” என்று கேள்வி எழுப்பினார்.