பிரான்சிஸ் ஸ்காட் கீ பாலம் விபத்தால் மூடப்பட்ட அமெரிக்காவின் முக்கிய துறைமுகம்!
கடந்த 26ம் தேதி அமெரிக்காவின் பால்டிமோர் பகுதியில் உள்ள படாப்ஸ்கோ ஆற்றங்கரையில் சென்று கொண்டிருந்த தி டேலி என்ற கொள்கலன் கப்பல் மோதியதில் பிரான்சிஸ் ஸ்காட் கீ பாலம் முற்றிலும் இடிந்து விழுந்தது.
விபத்துக்குப் பிறகு, கப்பலின் இடிபாடுகள் மற்றும் இடிந்த பாலத்தை அகற்றும் பணிகள் ஏற்கனவே தொடங்கப்பட்டுள்ளன.
ஆயிரம் டன் எடையை தூக்கக்கூடிய அமெரிக்காவின் மிகப்பெரிய கிரேன்களில் ஒன்றான செசபீக் 1000 கிரேனைப் பயன்படுத்தி இது செய்யப்படுகிறது.
மேலும் 7 மிதக்கும் கிரேன்கள், 10 இழுவை படகுகள், 9 படகுகள், 8 மீட்பு கப்பல்கள் மற்றும் 5 கடலோர காவல் படகுகளை குப்பைகளை அகற்றும் பணிகளுக்கு அனுப்ப அதிகாரிகள் திட்டமிட்டுள்ளனர்.
பிரான்சிஸ் ஸ்காட் கீ பிரிட்ஜில் இருந்து 3,000 முதல் 4,000 டன் இரும்பு சரக்கு கப்பலின் மீது விழுந்துள்ளதால், இடிபாடுகளை அகற்றுவது சவாலானது என்று அதிகாரிகள் கூறுகின்றனர்.
அதன்படி, இரும்பை பகுதிகளாக வெட்டி அகற்றுவதே தங்களது திட்டம் எனவும், இரும்பு முதல் பகுதியை வெட்டி அகற்ற சில நாட்கள் ஆகும் எனவும் தெரிவிக்கப்பட்டுள்ளது.
விபத்துக்குப் பிறகு, அமெரிக்காவின் முக்கிய துறைமுகங்களில் ஒன்றான பால்டிமோர் துறைமுகம் தற்போது மூடப்பட்டுள்ளது, மேலும் துறைமுகத்தை மீண்டும் திறக்க பல மாதங்கள் ஆகும்.
பாலம் நிர்மாணிக்க பல வருடங்கள் ஆகும் எனவும் விபத்து தொடர்பான விசாரணை சுமார் இரண்டு வருடங்கள் ஆகும் எனவும் வெளிநாட்டு ஊடகங்கள் தெரிவிக்கின்றன.
(Visited 4 times, 1 visits today)
