கட்டாய உழைப்பை ஆதரிப்பதாகக் குற்றச்சாட்டு – 03 சீன நிறுவனங்களுக்கு தடை விதித்தது அமெரிக்கா

கட்டாய உழைப்பை ஆதரிப்பதாகக் குற்றம் சாட்டி, மூன்று சீன மரபணுவியல் நிறுவனங்களின் இறக்குமதிக்கு அமெரிக்கா தடை விதித்துள்ளது.

அமெரிக்க உள்நாட்டுப் பாதுகாப்புத் துறை இந்த அறிவிப்பை வெளியிட்டுள்ளது.

இதன்படி,  உய்குர் மற்றும் பிற சிறுபான்மைக் குழுக்களின் கட்டாய உழைப்புத் தடுப்புச் சட்டத்தின் கீழ், BGI Genomics, MGI Tech, மற்றும் Shenzhen BGI Technology ஆகிய நிறுவனங்கள் கறுப்புப் பட்டியலில் சேர்க்கப்பட்டுள்ளன.

உய்குர்கள் மற்றும் பிற சிறுபான்மையினரின் சின்ஜியாங் பிராந்தியத்திலிருந்து மூலப்பொருட்களைப் பெறுவதில் ஈடுபடும், அதற்கு வசதி செய்து தரும், அல்லது கொள்முதல் செய்யும் நிறுவனங்கள் இந்தப் பட்டியலில் அடங்கும்.

இருப்பினும், வொஷிங்டனில் உள்ள சீனத் தூதரகம் இந்தக் குற்றச்சாட்டுகளை மறுக்கிறது.

இந்தத் தடையின் மூலம், அந்த நிறுவனங்களின் தயாரிப்புகள் கட்டாய உழைப்பைப் பயன்படுத்தித் தயாரிக்கப்படவில்லை என்பதை அவர்களால் சரிபார்க்க முடியாவிட்டால், அவை அமெரிக்காவிற்குள் நுழைவதைத் தடுக்குமாறு அந்நாட்டின் சுங்க மற்றும் எல்லைப் பாதுகாப்பு அதிகாரிகளுக்கு அறிவுறுத்தப்பட்டுள்ளது.