மீண்டும் போர் வெடித்தால் பேரழிவு ஏற்படும்: எகிப்து எச்சரிக்கை

அமெரிக்கா மற்றும் இஸ்ரேல் இணைந்து ஈரான் மீது முன்னெடுத்து வரும் போரில் மீண்டும் பதற்றம் அதிகரிக்கக்கூடும் என்ற சாத்தியக்கூறு குறித்து தாம் மிகுந்த கவலை கொண்டுள்ளதாக எகிப்தின் வெளிவிவகார அமைச்சர் பத்ர் அப்தெலாட்டி Badr Abdelatty தெரிவித்துள்ளார்.

பஹ்ரைனில் நடைபெற்ற சர்வதேச மூலோபாயக் கற்கைகளுக்கான நிறுவனத்தின் (IISS) மனாமா பாதுகாப்பு மாநாட்டில் உரையாற்றிய அவர், ஈரான் மீதான தாக்குதல்கள் மீண்டும் ஆரம்பிக்கப்பட்டால், அதன் விளைவுகள் முந்தைய தாக்குதல்களைவிட மோசமானதாக அமையும் என அச்சம் வெளியிட்டார்.

“இரண்டாவது சுற்று மோதல் மேலும் ஆபத்தானதாகவும், அதிக அழிவுகளை ஏற்படுத்துவதாகவும் இருக்கும். இதனால் எந்தப் பயனும் ஏற்படப்போவதில்லை. கடந்த கால அனுபவங்களிலிருந்து நாம் பாடங்களைக் கற்றுக்கொள்ள வேண்டும்” என அவர் வலியுறுத்தினார்.