பெருவின் லிமாவில் 6.8 ரிக்டர் அளவிலான நிலநடுக்கம் பதிவு
மத்திய பெருவில் 6.8 ரிக்டர் அளவிலான நிலநடுக்கம் பதிவாகியுள்ளது
இந்த நிலநடுக்கம் அந்நாட்டின் தலைநகரான லிமாவிலும் உணரப்பட்டதாக தெரிவிக்கப்பட்டுள்ளளது.
நிலநடுக்கமானது ஆண்டிஸ் மலைத்தொடரில் உள்ள ஜூனின் பகுதிக்கு அருகில், 129 கிலோமீட்டர் ஆழத்தில் மையம் கொண்டிருந்ததாக பெருவின் புவி இயற்பியல் நிறுவனம் அறிவித்துள்ளது.
நிலநடுக்கத்தைத் தொடர்ந்து, தலைநகர் லிமாவில் வசிக்கும் மக்கள் குடியிருப்புகளில் இருந்து வீதிகளில் திரண்டதாகவும், நாடாளுமன்ற உறுப்பினர்களும் கட்டிடத்தில் இருந்து வெளியேறியதாகவும் கூறப்படுகிறது.
இதற்கிடையில், இந்த நிலநடுக்கத்தால் உயிரிழப்புகளோ அல்லது சொத்து சேதங்களோ ஏற்படவில்லை என்று வெளிநாட்டு ஊடகங்கள் மேலும் தெரிவித்துள்ளன.




