வடக்கு கிழக்கு தமிழ் மக்கள் தமது வாக்குகளை இம்முறை ஜனாதிபதி ரணில் விக்கிரமசிங்கவுக்கே பயன்படுத்துவார்கள் என கருணா அம்மான்  தெரிவித்துள்ளார். ஐக்கிய தேசியக் கட்சியின் பாணந்துறை அலுவலகத்தை திறந்து வைக்கும் நிகழ்வில் கலந்து கொண்ட போதே அவர் இவ்வாறு தெரிவித்தார். இதன்போது மேலும் கருத்து தெரிவித்த  அவர், “அடுத்த முறையும் ஆட்சிசெய்யும் வாய்ப்பை அவருக்குக் கொடுக்க வேண்டும். அதனால்தான் நானும் அவரை ஆதரிக்கிறேன். குறிப்பாக வடக்கு, கிழக்கு தமிழ் மக்கள் நிச்சயமாக அவருக்கு வாக்களிக்கப் போகிறார்கள். அதில் […]

ஹஜ்ஜில் கலந்துகொண்ட இலங்கை யாத்திரிகர் ஒருவர் மாரடைப்பு காரணமாக உயிரிழந்துள்ளார். மக்காவைச் சூழவுள்ள பிரதேசத்தில் நிலவும் கடும் வெப்பமான காலநிலை அவருக்கு சுகவீனத்தை ஏற்படுத்தியுள்ளதாக தெரிவிக்கப்படுகிறது. உயிரிழந்தவர் அக்கரைப்பற்று பிரதேசத்தை சேர்ந்த 68 வயதுடையவர் என முஸ்லிம் சமய கலாசார திணைக்களம் தெரிவித்துள்ளது. இதேவேளை, யாத்திரையின் போது ஏற்பட்ட கடும் வெப்பம் மற்றும் நெரிசல் காரணமாக மக்காவில் 550 யாத்ரீகர்கள் உயிரிழந்துள்ளதாக வெளிநாட்டு செய்திகள் தெரிவிக்கின்றன.

பொசன்  போயா தினத்தன்று வினோதமான பேய் வீடுகளை காட்சிப்படுத்துவதை தடை செய்யுமாறு அஸ்கிரி விகாரையின் விகாராதிபதி சங்கநாயக மிகெட்டுவத்த சுமித்த நஹிமியா பௌத்த விவகார ஆணையாளர் நாயகம் மற்றும் புத்தளம் மாவட்ட பிரதம பொலிஸ் மா அதிபருக்கு கடிதம் மூலம் கோரிக்கை விடுத்துள்ளார். நாட்டின் சில ஆலயங்களும் அமைப்புகளும் பொசன் போயாவை அடிப்படையாக கொண்டு பேய் வீடுகள் போன்ற அபத்தமான நிகழ்ச்சிகளை நடத்த திட்டமிட்டுள்ளதாகவும் இவ்வாறான அபத்தமான செயல்களை செய்ய வேண்டாம் எனவும் பீடாதிபதிகள் வேண்டுகோள் விடுத்துள்ளனர். […]