மலேசியாவில் இலங்கையர்கள் உட்பட 158 சட்டவிரோத குடியேற்றவாசிகள் கைது

இலங்கையர்கள் உட்பட 158 சட்டவிரோத குடியேற்றவாசிகள் மலேசியாவில் செல்லுபடியாகும் விசாக்கள் அல்லது அனுமதிப்பத்திரங்கள் இன்றி தங்கியிருந்தமைக்காகவும், அனுமதிக்கப்பட்ட காலத்தை மீறி தங்கியிருந்தமைக்காகவும் தடுத்து வைக்கப்பட்டுள்ளனர் என வெளிநாட்டு ஊடகங்கள் செய்தி வெளியிட்டுள்ளன.

பேராக் குடிவரவு இயக்குநர் மியோர் ஹிஸ்புல்லா மியோர் அப்துல் மாலிக்கை மேற்கோள் காட்டி, பேராக்கில் உள்ள பெர்காம் அடுக்குமாடி குடியிருப்பில் நடத்தப்பட்ட சோதனையின் போது சட்டவிரோதமாக குடியேறியவர்கள் கைது செய்யப்பட்டதாக மலேசிய தேசிய செய்தி நிறுவனம் தெரிவித்துள்ளது.

கைது செய்யப்பட்டவர்களில் 83 ஆண்கள், 54 பெண்கள், 11 சிறுவர்கள்அடங்குவர்.

9 முதல் 60 வயதுக்குட்பட்டவர்கள் இந்தோனேசியா, நேபாளம், மியான்மர், சீனா, பாகிஸ்தான், இலங்கை மற்றும் வியட்நாம் ஆகிய நாடுகளைச் சேர்ந்தவர்கள்.

“இந்த நபர்களில் பெரும்பாலானவர்கள் உள்ளூர் நில உரிமையாளர்களிடமிருந்து குடியிருப்புகளை வாடகைக்கு எடுத்தனர். செயல்பாட்டின் போது 15 தொகுதிகளில் உள்ள சுமார் 560 அலகுகள் ஆய்வு செய்யப்பட்டன, ”என்று தெரிவிக்கப்பட்டது.

கைது செய்யப்பட்டவர்களில் ஒருவரான 50 வயதான இந்தோனேசிய நபர், ஒரு வருடமாக அனுமதியின்றி வீட்டை சுத்தம் செய்பவராக பணிபுரிந்து வந்ததாக கூறப்படுகிறது.

மாநில குடிவரவுத் துறை மற்றும் உலு கிந்தா பொது நடவடிக்கைப் படையைச் சேர்ந்த 160 பேர் அடங்கிய ‘Op Pintu’ என்ற கூட்டு நடவடிக்கையின் போது கைது செய்யப்பட்ட 158 நபர்களில் சுமத்ராவைச் சேர்ந்த பெண்ணும் ஒருவர்.

உரிய அங்கீகாரம் இன்றி தமது சொத்துக்களை வெளிநாட்டவர்களுக்கு வாடகைக்கு விட வேண்டாம் என Meor Hezbullah உள்ளூர் வீட்டு உரிமையாளர்களுக்கு எச்சரிக்கை விடுத்துள்ளார்.

அவ்வாறு செய்வது குடிவரவுச் சட்டம் 1959/63 இன் பிரிவு 55(E) இன் கீழ் குற்றச்சாட்டுகளுக்கு வழிவகுக்கும், இது அதிகபட்சமாக RM 30,000 அபராதம் அல்லது 12 மாதங்கள் வரை சிறைத்தண்டனை அல்லது இரண்டும் விதிக்கப்படலாம் என்று அவர் வலியுறுத்தினார்.