இந்தியாவில் நாளுக்கு நாள் அதிகரிக்கும் கொரோனா தொற்றாளர்களின் எண்ணிக்கை!

இந்தியாவில் கொரோனா பாதிப்பு மீண்டும் அதிகரித்து வரும் நிலையில் இன்று புதிதாக 7830 பேருக்கு தொற்று உறுதி செய்யப்பட்டுள்ளதாக மத்திய சுகாதாரத்துறை தெரிவித்துள்ளது.

கடந்த ஆண்டு செப்டம்பர் 1-ந்தேதி நிலவரப்படி பாதிப்பு 7946 ஆக இருந்தது. அதன் பிறகு கடந்த 223 நாட்களில் இல்லாத அளவுக்கு தற்போது ஒரு நாள் பாதிப்பு உயர்ந்துள்ளது.

இதுவரை பாதிக்கப்பட்டவர்களின் மொத்த எண்ணிக்கை 4 கோடியே 47 லட்சத்து 76 ஆயிரத்து 2 ஆக உயர்ந்துள்ளது. தொற்று பாதிப்பில் இருந்து நேற்று 4692 பேர் உள்பட இதுவரை 4 கோடியே 42 லட்சத்து 4 ஆயிரத்து 771 பேர் குணமடைந்துள்ளனர்.

ஆஸ்பத்திரிகளில் சிகிச்சை பெற்று வருவோர் எண்ணிக்கை 40215 ஆக உயர்ந்துள்ளது. இந்த எண்ணிக்கை நேற்றை விட 3122 அதிகமாகும் என சுகாதாரத்துறை தெரிவித்துள்ளது.

தொடர்புடைய செய்திகள்:

இந்தியாவில் பரவும் புதியவகை வைரஸ் : மக்களுக்கு எச்சரிக்கை! கோயிலின் மேற்கூரை இடிந்து விழுந்ததில் 13 பேர் உயிரிழப்பு ஜார்க்கண்டில் அரச படையுடன் இடம்பெற்ற மோதலில் 5 நக்சல்கள் கொல்லப்பட்டனர். 27 ஓட்டங்கள் வித்தியாசத்தில் குஜராத்தை வீழ்த்திய மும்பை