ரஷ்யாவை உளவு பார்த்த குற்றச்சாட்டில் இரு போலந்து நாட்டவர்கள் கைது
போலந்தின் இரகசிய சேவை முகவர்கள் என சந்தேகிக்கப்படும் இருவர் கைது செய்யப்பட்டுள்ளதாக ரஷ்யா அறிவித்துள்ளது.
ரஷ்யாவின் மேற்கு கலினின்கிராட் பகுதியில் உள்ள இராணுவ வசதிகள் குறித்த தகவல்களைச் சேகரித்ததாக அவர்கள் மீது குற்றம் சாட்டப்பட்டுள்ளது.
ரஷ்யாவின் கூட்டாட்சி பாதுகாப்பு சேவை (FSB) இன்று இந்த தகவலை வெளியிட்டது.
போலந்து பாதுகாப்பு சேவைகளுடன் தொடர்பு வைத்திருந்ததாகக் கூறப்படும் ஏழு போலந்து குடிமக்கள் மற்றும் மூன்று ரஷ்ய நாட்டினருக்கு எச்சரிக்கை விடுத்துள்ளதாகவும் FSB கூறியுள்ளது.
எவ்வாறாயினும் ரஷ்ய உளவுத்துறை சேவைகளால் இணையத்தில் வெளியிடப்பட்ட அறிக்கைகள் குறித்து கருத்து தெரிவிக்கப் போவதில்லை என, சிறப்பு சேவைகளுக்குப் பொறுப்பான போலந்து அமைச்சரின் செய்தித் தொடர்பாளர் கூறியுள்ளார்.
