தமிழர் பகுதியில் சோகம் : வவுனியாவில் கணவனுக்காக உயிரைவிட்ட மனைவி!

வவுனியா வடக்கு, நெடுங்கேணி, 6ம் கட்டை பகுதியில் வசிக்கும் குடும்பஸ்தர் ஒருவருக்கு மாரடைப்பு ஏற்பட்டதையடுத்து அவர் அவசரமாக நெடுங்கேணி வைத்தியசாலையில் அனுமதிக்கப்பட்டுள்ளார்.

அங்கிருந்து குறித்த நபரை வவுனியா வைத்தியசாலைக்கு கொண்டு செல்ல தயாராகிய போது குறித்த குடும்பஸ்தரின் மனைவி வவுனியா வைத்தியசாலை செல்வதற்கான பொருட்களை எடுத்து வர வீட்டிற்கு சென்றுள்ளார்.

இதன்போது, நெடுங்கேணி வைத்தியசாலையில் அனுமதிக்கப்பட்டிருந்த குடும்பஸ்தர் மாரடைப்பு காரணமாக வைத்தியசாலையிலேயே மரணமடைந்துள்ளார்.

குறித்த தகவலை வீட்டிற்கு சென்றிருந்த அவரது மனைவிக்கு தெரியவந்ததையடுத்து, கணவனின் இறப்பை தாங்க முடியாது மனைவி தவறான முடிவெடுத்து வீ;டில் தூக்கிட்டு தற்கொலை செய்து கொண்டுள்ளார்.

இச் சம்பவத்தில் 18 மற்றும் 15 வயதுடைய இரு பெண் பிள்ளைகளின் தந்தையான 49 வயதுடைய ராமச்சந்திரன் ரவீந்திரன் மற்றும் மனைவியான 49 வயதுடைய ராமச்சந்திரன் ஜோதீஸ்வரி ஆகிய இருவருமே மரணமடைந்தவர்களாவார்.

சம்பவம் தொடர்பில் நெடுங்கேணி பொலிசார் விசாரணைகளை மேற் கொண்டு வருகின்றார்கள்.

தொடர்புடைய செய்திகள்:

ஹட்டனில் ஒருதொகை ID-க்களுடன் ஒருவர் கைது பிரச்சனைகளுக்கு நிரந்தரமான தீர்வை காணாமல் ஆணைக்குழு அமைப்பதாக காலத்தை கடத்துகின்றார் ஜனாதிபதி – கோவிந்தன் கருணாகரம் வட்டுக்கோட்டை இளைஞனின் மரணத்திற்கு நீதிகோரி களத்தில் இறங்கவுள்ள வழக்கறிஞர்கள்! யாழ்ப்பாணத்தில் சிறுமியை வேலைக்கு அமர்த்திய பெற்றோருக்கு ஏற்பட்டுள்ள நிலை