கையடக்க தொலைபேசிகளை கொள்ளையிடும் குழுவின் பிரதான சந்தேக நபர் கைது!

யாழ்ப்பாணத்தில் கடந்த சில மாதங்களாக தனியார் பேரூந்துகளில் பயணிக்கும் பெண்கள் மற்றும் வயோதிபர்களின் கையடக்கத் தொலைபேசிகளைக் கொள்ளையிடும் குழுவொன்றின் பிரதான சந்தேகநபர் மாவட்ட குற்றத்தடுப்பு பொலிஸாரால் கைது செய்யப்பட்டுள்ளார்.

சந்தேகநபரிடமிருந்து திருடப்பட்ட 9 கையடக்கத் தொலைபேசிகள் மீட்கப்பட்டுள்ளதாக பொலிஸார் தெரிவித்தனர்.

அத்துடன், திருடப்பட்ட கையடக்கத் தொலைபேசிகளை கொள்வனவு செய்த நால்வரும் யாழ்.மாவட்ட குற்றத்தடுப்புப் பிரிவினரால் கைது செய்யப்பட்டுள்ளனர்.

காரைநகர் மற்றும் மானிப்பாய் பகுதிகளுக்கு செல்லும் பயணிகள் பேரூந்துகளில் பயணிக்கும் வயோதிபர்கள் மற்றும் பெண்களின் கைத்தொலைபேசிகளை மிகவும் சூட்சுமமான முறையில் கொள்ளையடித்த குற்றச்சாட்டில் புத்தளம் பகுதியைச் சேர்ந்த சந்தேகநபர் ஒருவர் கைது செய்யப்பட்டுள்ளார்.

சம்பவம் தொடர்பிலான விசாரணைகள் இடம்பெற்று வருகின்றன.

தொடர்புடைய செய்திகள்:

குறைந்த விலையில் எரிபொருளை விற்பனை செய்ய அனுமதி! இலங்கையில் மசாஜ் நிலையம் சென்றவருக்கு நேர்ந்த கதி இலங்கையில் 49 வயது நபரால் 13 வயது சிறுவனுக்கு நேர்ந்த கொடூரம்! ஐ.எம்.எஃபின் கடனில் அரச ஊழியர்களுக்கே முதல் நிவாரணம்!