17 வருடங்களாக மகனை தேடிவந்த தந்தை உயிரிழப்பு
சுமார் 17 வருடங்களாக வலுக்கட்டாயமாக கடத்தப்பட்டு காணாமல் போன மகனைத் தேடிய தந்தை முத்தையா ஆறுமுகம் காலமானார்.
இவர் வவுனியா, மகரம்பைக்குளம் – ஸ்ரீராமபுரத்தை வசிப்பிடமாகக் கொண்டவராவார்.
65 வயதான முத்தையா ஆறுமுகம் நேற்று (12) காலமானதாக எமது செய்தியாளர் தெரிவித்தார்.
2007ஆம் ஆண்டு வவுனியாவில் வைத்து அவரது மகன் ஆறுமுகம் சிவகுமார் கடத்தப்பட்டதாக கூறப்படுகிறது.
இதேவேளை, காணாமல் ஆக்கப்பட்டவர்களின் உறவினர்களால் ஆரம்பிக்கப்பட்ட போராட்டம் இன்றுடன் (13) 2427 நாட்கள் நிறைவடையவுள்ளது.
எனினும் இதுவரை தீர்வு கிடைக்கவில்லை என உறவினர்கள் குற்றம் சுமத்துகின்றனர்.
(Visited 1 times, 1 visits today)
