மலேசிய விபத்தில் உயிரிழந்த இலங்கை தம்பதியினர் – உறவினர் பராமரிப்பில் இருக்கும் சிறுமி

மலேசியாவின் கோலாலம்பூரில் இடம்பெற்ற வாகன விபத்தில் இலங்கை தம்பதியினர் உயிரிழந்துள்ள நிலையில், அவர்களின் 3 வயது மகள் வைத்தியசாலையில் இருப்பதாக தெரிவிக்கப்பட்டுள்ளது.

மலேசியாவில் சாப்ட்வேர் இன்ஜினியர்களாகப் பணிபுரிந்து வந்த தம்பதியர் அண்மையில் இடம்பெற்ற வாகன விபத்தில் உயிரிழந்துள்ளனர்.

உயிரிழந்த பெண்ணும் அவரது கணவரும் மலேசியாவின் கோலாலம்பூரில் உள்ள அவர்களது வீட்டிற்கு அருகில் மோட்டார் சைக்கிளில் சென்று கொண்டிருந்தபோது விபத்தில் சிக்கியுள்ளனர்.

அப்போது அவர்களது 3 வயது மகளும் அங்கு இருந்துள்ளனர். விபத்தில் சிறுமியின் உயிர் காப்பாற்றப்பட்டாலும் பெற்றோரின் உயிரை காப்பாற்ற முடியவில்லை.

33 வயதான ஷியாமலா ரங்கனி குணதிலக்க மற்றும் 35 வயதான ஷஷிக ரங்கொட ஆகியோர் விபத்தில் உயிரிழந்தனர். அவர்களின் 03 வயது மகள் பெற்றோரின் பாசத்தை இழந்தனர்.

உயிரிழந்த பெண் காலி, வந்துரம்ப பகுதியைச் சேர்ந்தவர் எனவும், அவரது கணவர் காலி அங்குலுகஹா பகுதியைச் சேர்ந்தவர் எனவும் தெரிவிக்கப்பட்டுள்ளது.

கடந்த ஆண்டு மலேசியாவின் கோலாலம்பூருக்கு இன்ஜினியராக வேலை கிடைத்து அங்கு சென்றுள்ளனர்.

விபத்துக்குள்ளான 03 வயது சிறுமி தற்போது கோலாலம்பூரில் உள்ள வைத்தியசாலையில் உறவினர் ஒருவரின் பராமரிப்பில் சிகிச்சை பெற்று வருவதாக உயிரிழந்த தம்பதியினரின் உறவினர்கள் தெரிவிக்கின்றனர்.