ரஷ்யாவில் அதிர்ச்சியை ஏற்படுத்திய ஹெலிகப்டர் விபத்து – 6 பேர் பலி – பலர் காயம்
ரஷ்யாவின் சைபீரியாவில் ஏற்பட்ட ஹெலிகாப்டர் விபத்தில் 6 பேர் உயிரிழந்துள்ளனர்.
மேலும் இந்த விபத்தில் 7 பேர் காயமடைந்துள்ளதாகவும் அந்நாட்டின் அதிகாரிகள் தெரிவித்துள்ளனர்.
எம்ஐ-8 ஹெலிகப்டர் தெற்கு சைபீரியாவில் உள்ள அல்டாயில் விபத்துக்குள்ளாகியுள்ளதென ரஷ்யாவின் அவசரகால அதிகாரிகள் தரப்பில் கூறப்பட்டுள்ளது.
ஹெலிகப்டர் தரையிறங்கும்போது மின்கம்பியில் உரசியதால் இந்த விபத்து ஏற்பட்டுள்ளது என குறிப்பிடப்பட்டுள்ளது.
விபத்துக்குள்ளான ஹெலிகாப்டர் தனியார் நிறுவனம் ஒன்றைச் சேர்ந்ததாகும். இந்த ஹெலிகாப்டரில் சுற்றுலாவுக்காக குழு ஒன்று பயணம் செய்துள்ளது. ஹெலிகப்டரில் மொத்தமாக எத்தனை பேர் பயணித்தனர் என்பது இன்னும் சரியாகத் தெரியவில்லை எனத் தெரிவித்துள்ளது.
எம்ஐ-8 ஹெலிகாப்டர் 1960ஆம் ஆண்டு களில் வடிவமைக்கப்பட்ட இரட்டை என்ஜின் ஹெலிகப்டர் ஆகும்.
இந்த ஹெலிகப்டர் ரஷ்யாவில் பெருமளவில் பயன்படுத்தப்படுகிறது. இந்த எம்ஐ-8 ஹெலிகாப்டரில் அடிக்கடி விபத்துகள் ஏற்படுவது குறிப்பிடத்தக்கது.
(Visited 15 times, 1 visits today)
