மாகாணசபை தேர்தல் – அரசியல் கட்சிகளின் கருத்துக்களை கோர நடவடிக்கை

மாகாண சபைத் தேர்தல்களுக்குப் பயன்படுத்தப்படவுள்ள தேர்தல் முறை குறித்து பல்வேறு அரசியல் கட்சிகளின் கருத்துக்களையும் ஆலோசனைகளையும் பெறுவதற்கான நடவடிக்கைகள் எடுக்கப்பட்டுள்ளன.

அதன்படி,  அமைச்சர் விஜித்த ஹேரத் தலைமையிலான சம்பந்தப்பட்ட சிறப்புத் தெரிவுக் குழு, சமீபத்தில் நாடாளுமன்றத்தில் கூடியபோது அரசியல் கட்சிப் பிரதிநிதிகளின் கருத்துக்களைக் கோரியுள்ளது.

இதன்போது அகில இலங்கை மக்கள் பேரவையின் சார்பில் நாடாளுமன்ற உறுப்பினர் தாஹிர் மரிக்கர், புதிய சுதந்திர முன்னணியின் சார்பில் நாடாளுமன்ற உறுப்பினர் நுவன் பெல்லந்துடாவ, மற்றும் இலங்கை தமிழ் அரசுக் கட்சியின் சார்பில் முன்னாள் நாடாளுமன்ற உறுப்பினர் எம். ஏ. சுமந்திரன் ஆகியோர் தத்தமது கட்சிகளின் கருத்துக்களையும் ஆலோசனைகளையும் முன்வைத்தனர்.

மாகாண சபைத் தேர்தல்களுக்குப் பயன்படுத்தப்படவுள்ள தேர்தல் முறையை ஆய்வு செய்து, அது தொடர்பான முன்மொழிவுகளையும் பரிந்துரைகளையும் சமர்ப்பிப்பது இந்த சிறப்புத் தெரிவுக் குழுவின் பொறுப்பாகும்.