இங்கிலாந்தில் புயலில் சிக்கிய விமானம் – ஓடுபாதையை விட்டு விலகியதால் பரபரப்பு
இங்கிலாந்தில் விமானம் ஒன்று புயலில் சிக்கிய நிலையில் ஓடுபாதையை விட்டு விலகி புல்வெளியில் பாய்ந்ததாக தெரிவிக்கப்படுகிறது.
இருப்பினும் விமானத்தில் பயணித்த 190 பயணிகள் பாதுகாப்பாக உள்ளதாக அறிவிக்கப்பட்டுள்ளது.
இத்தாலியின் வெனிஸ் நகரில் இருந்து ஜெட்2 நிறுவனத்தின் விமானம், பர்மிங்காம் விமான நிலையத்தில் தரையிறங்க முற்பட்டது.
அப்போது ‘போலோ’ புயல் காரணமாக வீசிய காற்றில் குறித்த விமானம் சிக்கியுள்ளது.
இந்நிலையில் தரையிறங்கிய நொடியில் நிலைதடுமாறிய விமானத்தின் டயர்கள் ஓடுபாதையில் இருந்து நழுவி அருகில் இருந்த புல்வெளிக்குள் பாய்ந்ததாக தெரிவிக்கப்பட்டுள்ளது
