ஈரான் பாதுகாப்பு பிரதானியுடன் பாகிஸ்தான் அவசர சந்திப்பு
பாகிஸ்தான் உள்துறை அமைச்சர் மோஷின் நக்வி மற்றும் ஈரானின் புதிய பாதுகாப்புத் தலைவர் அலி அக்பர் அகமதி ஆகியோருக்கு இடையில் முக்கியத்துவமிக்க சந்திப்பொன்று இடம்பெற்றுள்ளது.
ஈரானின் மஷாத் நகரில் நடைபெற்ற இந்த உயர்மட்டப் பேச்சுவார்த்தையில், பிராந்திய வளர்ச்சி மற்றும் இரு நாடுகளுக்கும் இடையிலான உறவுகளை வலுப்படுத்துவது குறித்து ஆலோசிக்கப்பட்டது.
இஸ்லாமிய நாடுகளுக்கு இடையே அதிகப்படியான ஒற்றுமை நிலவ வேண்டியதன் அவசியத்தை ஈரான் பிரதிநிதி வலியுறுத்தினார்.
இதற்குப் பதிலளிக்கும் விதமாக, ஈரான் மற்றும் பாகிஸ்தான் மக்களிடையே காணப்படும் ஆழ்ந்த பிணைப்பை நக்வி பாராட்டிப் பேசினார்.
இரு நாடுகளும் தங்களுக்குள் இருக்கும் ஒத்துழைப்பை மேலும் அதிகரிக்க வேண்டும் என்ற விருப்பத்தை வெளிப்படுத்தியுள்ளன.
