இஸ்ரேல்–லெபனான் இடையே 10 நாள் போர் நிறுத்தம் – ஐரோப்பா வரவேற்பு
அமெரிக்க ஜனாதிபதி டொனால்ட் ட்ரம்ப் அறிவித்த இஸ்ரேல் – லெபனான் இடையேயான 10 நாள் போர் நிறுத்தத்தை, ஐரோப்பிய ஆணையத்தின் தலைவர் உர்சுலா வான் டெர் லேயன் வரவேற்றுள்ளார்.
இந்த மோதல் ஏற்கனவே எண்ணற்ற உயிர்களைப் பலிகொண்டுள்ள நிலையில், இந்த போர் நிறுத்தம் ஒரு நிம்மதி என அவர் X தளத்தில் பதிவிட்டுள்ளார்.
மேலும், இது தற்காலிக அமைதி மட்டுமல்லாமல், நிரந்தர அமைதிக்கான பாதையாக மாற வேண்டும் என்றும் அவர் வலியுறுத்தினார்.
அதேவேளை, லெபனானின் இறையாண்மைக்கு முழுமையான மரியாதை அளிக்கப்பட வேண்டும் என்ற நிலைப்பாட்டை ஐரோப்பா தொடர்ந்து முன்வைக்கும் என்றும் தெரிவித்துள்ளார்.
