ஹமாஸ் உறுப்பினர்களை தொடர்ந்து வேட்டையாடும் இஸ்ரேல்
வடக்கு காஸாவில் இஸ்ரேல் இராணுவம் அண்மையில் நடத்திய தாக்குதல்களில் ஹமாஸ் அமைப்பின் நான்கு உறுப்பினர்கள் கொல்லப்பட்டுள்ளதாக இஸ்ரேல் இராணுவம் தெரிவித்துள்ளது.
சனிக்கிழமை நடத்தப்பட்ட தனித்தனியான தாக்குதல்களில் ஹமாஸ் அமைப்பின் ஆட்சேர்ப்புப் பிரிவுத் தலைவர் நபில் ஹமாத் மற்றும் அந்த அமைப்பின் தளபதி முஹன்னத் நாதர் மஹ்மூத் தஹ்தூஹ் ஆகியோர் கொல்லப்பட்டதாக இஸ்ரேல் இராணுவம் வெளியிட்ட அறிக்கையில் குறிப்பிடப்பட்டுள்ளது.
மேலும், இரு தாக்குதல்களில் ஹமாஸின் நுக்பா (Nukhba) எனப்படும் சிறப்புப் படைப் பிரிவின் உறுப்பினரான அயில் நயீப் பஹ்மி மசல்லெம் மற்றும் ஹமாஸின் ரொக்கெட் பிரிவுத் தளபதி அரபாத் கமால் முஹம்மத் அரைர் ஆகியோரும் கொல்லப்பட்டதாக இஸ்ரேல் இராணுவம் தெரிவித்துள்ளது.
இத்தகவல்களை இஸ்ரேல் இராணுவம் வெளியிட்டுள்ள நிலையில், அவை தொடர்பில் ஹமாஸ் அமைப்பின் தரப்பிலான உறுதிப்படுத்தல் எதுவும் இந்த அறிக்கையில் குறிப்பிடப்படவில்லை.
