IPL Update – தக்கவைக்கும் வீரர்களின் பட்டியலை வெளியிட்ட அணிகள்

IPL 18வது சீசன் அடுத்த வருடம் மார்ச் மாதம் நடைபெற உள்ளது. இந்த சூழ்நிலையில் ஒரு அணி தான் தக்க வைக்கும் வீரர்களின் இறுதி பட்டியலை நாளைக்குள் வெளியிட வேண்டும் என்று IPL நிர்வாகம் அறிவித்திருக்கும் சூழ்நிலையில் ஒவ்வொரு அணியும் தக்கவைக்கும் வீரர்களின் பட்டியலை வெளியிட்டுள்ளது.

அந்த வகையில் சிஎஸ்கே நிர்வாகம் தாங்கள் தக்க வைக்கும் வீரர்களின் பட்டியலை வெளியிட்டுள்ளது. அதன்படி ருதுராஜ், ஜடேஜா, துபே, பத்திரனா, டோனி ஆகியோரை தக்கவைத்துள்ளது.

லக்னோ அணி கேஎல் ராகுலை தக்கவைக்கவில்லை. அந்த அணியில் பூரன், பிஷ்னோய், மயங்க் யாதவ், பதோனி, மோசின் கான் ஆகியோரை தக்கவைத்துள்ளது.

கொல்கத்தா அணி ஷ்ரேயாஸ் அய்யர் மற்றும் ரசலை தக்கவைக்கவில்லை. நரேன், ரிங்கு சிங், வருண் சக்கரவர்த்தி, ஹர்சித் ரானா ஆகியோரை தக்க வைத்துள்ளது.

ஐபிஎல் ரசிகர்கள் ஆவலுடன் எதிர்பார்க்கும் மும்பை அணியில் ரோகித் சர்மா தக்கவைக்கப்பட்டுள்ளார். மேலும் பும்ரா, சூர்யகுமார் யாதவ், பாண்ட்யாவையும் மும்பை தக்கவைத்துள்ளது.

டெல்லி ரிஷப் பண்ட் மீது ஆர்வம் காட்டவில்லை. அந்த அணியில் அக்சர் படேல், குல்தீப் யாதவ், ஸ்டப்ஸ், அபிஷேக் போரல் ஆகியோரை தக்கவைத்துள்ளது.

ஆர்சிபி, பஞ்சாப், ராஜஸ்தான், குஜராத் ஆகிய அணிகள் இன்னும் தக்கவைத்த வீரர்கள் பட்டியலை வெளியிடவில்லை.