எரிபொருள் விலைகள் அதிகரிப்பு

இலங்கை பெற்றோலியக் கூட்டுத்தாபனம் (Ceypetco) நேற்று நள்ளிரவு முதல் நடைமுறைக்கு வரும் வகையல் எரிபொருள் விலைகளில் திருத்தத்தை அறிவித்துள்ளது.

இதற்கமைய ஆட்டோ டீசல்’ (Auto Diesel) விலை லிட்டருக்கு 10 ரூபாவால் அதிகரிக்கப்பட்டு 392 ரூபாவாகவும், ‘சூப்பர் டீசல்’ (Super Diesel) விலை லிட்டருக்கு 50 ரூபாவால் அதிகரிக்கப்பட்டு 528 ரூபாவாகவும் நிர்ணயிக்கப்பட்டுள்ளது.

அதேவேளை, ‘பெட்ரோல் 92 ஒக்டேன்’ (Petrol 92 Octane) விலை லிட்டருக்கு 15 ரூபாவால் அதிகரிக்கப்பட்டு 414 ரூபாவாகியுள்ளது.

ஆனால் ‘பெட்ரோல் 95 ஒக்டேன்’ (Petrol 95 Octane) விலையில் எந்த மாற்றமும் இன்றி  475 ரூபாவாகவே தொடர்கிறது.

மேலும், மண்ணெண்ணெய் விலையிலும் எந்த மாற்றமும் செய்யப்படவில்லை; அதன் விலை 285 ரூபாவாகவே காணப்படுகிறது.

திருத்தப்பட்ட விலைகள் பின்வருமாறு:

ஆட்டோ டீசல் – 392 ரூபா (10 ரூபா அதிகரிப்பு)
சூப்பர் டீசல் – 528 ரூபா (50 ரூபா அதிகரிப்பு)
பெட்ரோல் 92 ஒக்டேன் – 414 ரூபா (15 ரூபா அதிகரிப்பு)
பெட்ரோல் 95 ஒக்டேன் – மாற்றம் இல்லை
மண்ணெண்ணெய் – மாற்றம் இல்லை