மாத்தறை-பெலியத்த வீதியில் ஹந்தபன்கொடெல்ல பகுதியில் டிப்பர் லாரியும் பேருந்தும் மோதியதில் சுமார் 20 பேர் காயமடைந்துள்ளனர். காயமடைந்தவர்கள் திக்வெல்ல மற்றும் மாத்தறை வைத்தியசாலையில்  அனுமதிக்கப்பட்டுள்ளனர். வீரகெட்டிய பகுதியிலிருந்து மாத்தறை நோக்கிச் சென்ற பேருந்தும், மாத்தறையிலிருந்து பெலியத்த நோக்கிச் சென்ற டிப்பர் லொரியும் நேருக்கு நேர் மோதியதில் இந்த விபத்து சம்பவித்துள்ளது. இந்நிலையில் சம்பவம் தொடர்பில் பெலியத்த பொலிஸார் மேலதிக விசாரணைகளை முன்னெடுத்து வருகின்றனர்.

ஹக்கல தேசிய தாவரவியல் பூங்கா இன்று முதல் சுற்றுலாப் பயணிகளுக்காக மீண்டும் திறக்கப்பட்டுள்ளதாக  சுற்றுச்சூழல் அமைச்சகம் தெரிவித்துள்ளது. தேசிய கட்டிட ஆராய்ச்சி நிறுவனம்  மற்றும் அனர்த்த முகாமைத்துவ மத்திய நிலையம் வழங்கிய பரிந்துரைகளின்படி சில பகுதிகள், குறிப்பாக நுழைவு வாயிலுக்கு அருகிலுள்ள குளப் பகுதி மற்றும் பாதை பகுதிகளில் எச்சரிக்கை பலகைகள் வைக்கப்பட்டு பாதுகாப்பு உறுதி செய்யப்பட்டுள்ளது. உள்ளூர் மற்றும் வெளிநாட்டு சுற்றுலாப் பயணிகளின் பாதுகாப்பை உறுதி செய்ய, பணியாளர்கள் விசேட உதவித் திட்டத்தையும் செயற்படுத்தியுள்ளதாக தெரிவிக்கப்படுகிறது. […]