பொத்துவில் குறினியாங்கோடு பகுதியில் இடம்பெற்ற மோட்டார் சைக்கிள் விபத்தில் இருவர் உயிரிழந்துள்ளனர். பொத்துவிலிலிருந்து அக்கரைப்பற்று நோக்கி பயணித்த மோட்டார் சைக்கிள் மற்றுமொரு வாகனத்தை முந்திச் செல்ல முற்பட்ட போது எதிர்திசையில் வந்த மற்றுமொரு மோட்டார் சைக்கிளுடன் மோதி விபத்துக்குள்ளாகியுள்ளது. இதில் பொத்துவில் பகுதியைச் சேர்ந்த 51 மற்றும் 77 வயதுடைய இருவரே விபத்தில் உயிரிழந்துள்ளனர். விபத்து குறித்த மேலதிக விசாரணைகளை பொலிஸார் முன்னெடுத்து வருவதாக தெரிவிக்கப்படுகிறது.

சவூதி அரேபியாவுக்கு தொழில் வாய்ப்புக்காக சென்ற இலங்கை பெண் ஒருவர் மர்மமான முறையில் உயிரிழந்த சம்பவம் ஒன்று பதிவாகியுள்ளது. ஹொரணை – அங்குருவாதொட்ட பகுதியைச் சேர்ந்த 34 வயதான பெண்ணொருவரே உயிரிழந்துள்ளார். இவருக்கு மூன்று பிள்ளைகள் உள்ளதாக தெரிவிக்கப்படுகின்றது. அவரின் மரணம் தொடர்பில் கிராம உத்தியோகத்தரின் ஊடாக குடும்பத்தார், வினவியதை அடுத்தே குறித்த பெண் சுமார் 3 மாதங்களுக்கு முன்னர் உயிரிழந்தமை தெரியவந்துள்ளது. இந்தநிலையில், அவரின் மரணத்தில் சந்தேகம் நிலவுவதாக தெரிவித்து, அவரது குடும்பத்தினர் வெளிநாட்டு வேலைவாய்ப்பு […]

காஸா பகுதியில் சிக்கியுள்ள இலங்கையர்களை விடுவிக்க இராஜதந்திர மட்டத்தில் முயற்சிகள் மேற்கொள்ளப்பட்டு வருவதாக பலஸ்தீனத்தில் உள்ள இலங்கை பிரதிநிதிகள் அலுவலகத்தின் தலைவர் பென்னட் குரேகாஸா தெரிவித்துள்ளார். எகிப்து மற்றும் இஸ்ரேலில் உள்ள இலங்கை தூதரகங்கள் ஊடாக தேவையான நடவடிக்கைகள் மேற்கொள்ளப்பட்டு வருவதாகவும் அவர் தெரிவித்தார். இஸ்ரேல்-ஹமாஸ் மோதலில் உயிரிழந்தவர்களின் எண்ணிக்கை தற்போது 4,000ஐ கடந்துள்ளது, அவர்களில் இலங்கைப் பெண்ணும் அடங்குவார். இதேவேளை அனுலா ரத்நாயக்க என்ற பெண்ணின் சடலம் விரைவில் அவரது குடும்ப உறுப்பினர்களிடம் ஒப்படைக்கப்படும் என […]

முல்லைத்தீவு – அளம்பில் கடற்கரையில் உயிரிழந்த நிலையில் சுறா ஒன்று இன்று கரையொதுங்கியுள்ளதாக மீனவர்கள் தெரிவித்துள்ளனர். இன்று முல்லைத்தீவு அளம்பில் கடற்கரையில் 15 அடி நீளமுடைய சுறா ஒன்றே இவ்வாறு உயிரிழந்த நிலையில் கரையொதுங்கியுள்ளதாகவும் தெரிவித்துள்ளனர். இவ்வாறு இறந்த நிலையில் கரை ஒதுங்கிய டொல்பின் கடலாமைகள் மற்றும் ஏனைய கடல்வாழ் உயிரினங்கள் கடற்தொழில் திணைக்கள அதிகாரிகள் பகுப்பாய்வு செய்து வருகின்றமை குறிப்பிடத்தக்கது.  

எரிபொருளுக்கு விலை சூத்திரமொன்றை அறிமுகப்படுத்த திட்டமிடப்பட்டுள்ளது. இதன்படி  2024ஆம் ஆண்டு பெப்ரவரி மாதம் முதல் இந்த முறை அறிமுகப்படுத்தப்படும் என மின்சக்தி மற்றும் எரிசக்தி இராஜாங்க அமைச்சர்  டி.வி.சானக்க தெரிவித்தார். அந்த முறைப்படி எரிபொருள் விலை தினமும் மாறிக்கொண்டே இருக்கும் என்றும் குறிப்பிடப்படுகிறது.

கனடாவின் உலக நரம்பியல் சம்மேளனத்தினால் ஏற்பாடு செய்யப்பட்ட “”Tournament of the Minds,” வினாடிவினா போட்டியில் இலங்கை நரம்பியல் நிபுணர்கள் குழு உலகச் சம்பியனாகியது. 136 நாடுகளில் நரம்பியல் பிரிவில் இலங்கை அணி உலகக் கோப்பையை வென்றது. வெற்றிகரமான இலங்கை அணியின் உறுப்பினர்களான பேராசிரியர் தாஷி சாங், கலாநிதி ஏ.டி. அலிபோய், கலாநிதி சேனக பந்துசேன மற்றும் கலாநிதி மஞ்சுளா கல்டெரா.ஆகியோர் அடங்குகின்றனர். 2019 மைண்ட்ஸ் போட்டியில் இலங்கை இரண்டாம் இடத்தைப் பிடித்தது என்பது குறிப்பிடத்தக்கது.  

நாட்டின் பல பகுதிகளில் இன்று மாலை வேளையில் மழை பெய்வதற்கான சாத்தியம் நிலவுவதாக வளிமண்டலவியல் திணைக்களம் எதிர்வுகூறியுள்ளது. தென்மேற்கு வங்கக்கடலில் உருவாகியுள்ள குறைந்த காற்றழுத்த தாழமுக்கம் அடுத்த 24 மணி நேரத்தில் காற்றழுத்த தீவிரமடைந்து தாழ் அமுக்கமாக மாற வாய்ப்புள்ளதாக வளிமண்டலவியல் திணைக்களம் இன்று சனிக்கிழமை (21) மாலை எச்சரிக்கை விடுத்துள்ளது. காற்றழுத்த தாழ்வு மண்டலமாக மாறிய பின்னர், இலங்கையில் இருந்து வடகிழக்கு திசையில் வங்கக்கடலை நோக்கி நகரும். 40 முதல் 45 கிலோமீட்டர் வேகத்தில் பலத்த […]