எக்ஸ்பிரஸ் பேர்ல் கப்பலின் தீயினால் தமது தொழிலுக்கு ஏற்பட்ட சேதங்களுக்கு இழப்பீடு வழங்க உத்தரவிடுமாறு கோரி மீனவ சமூகம் தாக்கல் செய்த மனுவை திருத்துவதற்கு கொழும்பு மேல் வர்த்தக நீதிமன்றம் அனுமதி வழங்கியுள்ளது. மீனவ சமூகத்தை பிரதிநிதித்துவப்படுத்திய சட்டத்தரணி ஹிமாலி குலரத்ன முன்வைத்த உண்மைகளை பரிசீலித்த கொழும்பு வர்த்தக மேல் நீதிமன்ற நீதிபதி பிரதீப் ஹெட்டியாராச்சி இந்த அனுமதியை வழங்கியுள்ளார். குறித்த கப்பலினால் சுற்றாடல் மற்றும் அனைத்து தொழில் துறைகளுக்கும் ஏற்பட்ட சேதம் 6.7 பில்லியன் என […]

கொழும்பு பல்கலைக்கழக மாணவர்கள் குழுவினால் சமர்ப்பிக்கப்பட்ட அடிப்படை உரிமை மீறல் மனு தொடர்பில் வரையறுக்கப்பட்ட ஆட்சேபனைகளை முன்வைக்க சட்டமா அதிபருக்கு உச்ச நீதிமன்றம் இன்று (26) கால அவகாசம் வழங்கியுள்ளது. பல்கலைக்கழகங்களுக்கு இடையிலான மாணவர் ஒன்றியத்தின் போராட்டத்தை கலைக்க பொலிஸார் மேற்கொண்ட கண்ணீர் புகை குண்டுகளால் தமது கல்விக்கு இடையூறு விளைவித்தமையினால் தமது அடிப்படை உரிமைகள் மீறப்பட்டுள்ளதாக தெரிவித்து கொழும்பு பல்கலைக்கழக மாணவர்கள் 8 பேர் இந்த மனுவை சமர்ப்பித்துள்ளனர். இந்த மனு இன்று (26) நீதிபதிகளான […]

இலங்கையில் எரிபொருள் பரிவர்த்தனைகளை மேற்கொள்வதற்காக நிறுவனத்திற்கு வழங்கப்பட்டுள்ள உரிமத்தை மேலும் 20 வருடங்களுக்கு நீடிக்க Lanka IOC நடவடிக்கை எடுத்துள்ளது. இது ஜனவரி 20, 2024 முதல் அமலுக்கு வரும் என அறிவிக்கப்பட்டுள்ளது.

பத்தரமுல்லை ஸ்ரீ சுபுதி தேசிய பாடசாலையின் சக்வலா திட்டத்தினூடாக 36 ஆவது ஸ்மார்ட் வகுப்பறை அன்பளிப்பு செய்யப்பட்டது. சஜித் பிரேமதாச தலைமையில சகல வசதிகளுடன் கூடிய ஸ்மார்ட் வகுப்பறை ஒன்று அன்பளிப்பு செய்யப்பட்டது.

நிலாவெளி ஆயுள்வேத மாவட்ட சித்த வைத்தியசாலையில் வாணி விழா சிறப்பு நிகழ்வுகள் (26) இன்று இடம்பெற்றது. வைத்தியசாலையின் வைத்திய அத்தியட்சகர் வைத்தியர் எம்.நிரஞ்சன் தலைமையில் இந்நிகழ்வு இடம்பெற்றது. இவ்விழாவில் வைத்தியசாலையின் வைத்தியர்கள், உத்தியோகத்தர்கள் மற்றும் ஊழியர்கள் ஆகியோர் கலந்துகொண்டனர்.

இலங்கையின் 16வது இராணுவத் தளபதி ஜெனரல் (ஓய்வுபெற்ற) லயனல் பலகல்ல காலமானார். ஜெனரல் (ஓய்வுபெற்ற) லயனல் பலகலே இறக்கும் போது அவருக்கு வயது 75 என இலங்கை இராணுவப் பேச்சாளர் பிரிகேடியர் ரவி ஹேரத் தெரிவித்துள்ளார். கொழும்பில் உள்ள இராணுவ வைத்தியசாலையில் சிகிச்சை பெற்று வந்த அவர் இன்று காலமானதாக தெரிவிக்கப்படுகிறது. அவரது இறுதிச் சடங்குகள் குறித்து பின்னர் அறிவிக்கப்படும்.