இலங்கையின் கிரிக்கெட் நிர்வாகத்தின் ஊழல் அதிகாரிகளுக்கு அரசாங்கத்தில் உள்ள ஒரு குறிப்பிட்ட சக்தி வாய்ந்த நபர் ஆதரவளிப்பதால் கிரிக்கெட் விளையாட்டு மேலும் அழிக்கப்படும் என இலங்கையின் முன்னாள் உலகக் கிண்ணத்தை வென்ற அணித்தலைவர் அர்ஜுன ரணதுங்க தெரிவித்துள்ளார். விளையாட்டுத்துறை அமைச்சர் ரொஷான் ரணசிங்கவினால் இலங்கை கிரிக்கெட்டின் (SLC) இடைக்கால குழுவின் தலைவராக ரணதுங்க நியமிக்கப்பட்டார், ஆனால் மேன்முறையீட்டு நீதிமன்றத்தின் உத்தரவின் மூலம் குழுவின் செயல்பாடுகள் இடைநிறுத்தப்பட்டன. செய்தியாளர்களிடம் பேசிய ரணதுங்க, கிரிக்கெட் பற்றி எந்த அறிவும் இல்லாத […]

இஸ்ரேல்-ஹமாஸ் போரின் தாக்கம் குறித்த அவசர கூட்டத்தை பிரித்தானியா இன்று (07.11) நடத்தவுள்ளது. “இஸ்ரேல் மற்றும் காஸாவின் நிலைமைக்கு அரசாங்கத்தின் பதிலை ஒருங்கிணைக்க துணைப் பிரதமர் ஒரு கோப்ரா கூட்டத்தை நடத்தவுள்ளதாக சர்வதேச ஊடகங்கள் செய்தி வெளியிட்டுள்ளன. இந்த கூட்டத்தில் குறிப்பாக பிரித்தானியாவில் சமூக ஒற்றுமை குறித்த முக்கிய விடயங்கள், போர் குறித்த சமீபத்திய அவதானிப்புகள் குறித்து ஆராயப்படவுள்ளதா தெரிவிக்கப்பட்டுள்ளது.

தொடர்ந்து பெய்து வரும் கடும் மழையினால் கொழும்பு ஆமர் வீதி பகுதி வெள்ளத்தில் மூழ்கியுள்ளது. இதன் காரணமாக ஆமர் வீதி பகுதியில் போக்குவரத்து தடைப்பட்டுள்ளதாகவும், அந்த பகுதியின் ஊடாக பயணிப்பவர்கள் மாற்று வழிகளை பயன்படுத்துமாறும் கேட்கப்பட்டுள்ளனர்.

நாளை முதல் வரும் 10 ஆம் திகதிவரை  மூன்று நாட்களுக்கு அனைத்து தபால் ஊழியர்களின் விடுமுறையையும் இரத்து செய்ய நடவடிக்கை எடுக்கப்பட்டுள்ளது. தபால் மா அதிபர் ருவன் சத்குமார இந்த தீர்மானத்தை எடுத்துள்ளார். தபால் தொழிற்சங்க ஊழியர்கள் இன்று (07.11) நள்ளிரவு முதல் தொழிற்சங்க நடவடிக்கையை முன்னெடுக்கவுள்ளதாக அறிவித்துள்ளனர். இந்நிலையிலேயே மேற்படி நடவடிக்கை எடுக்கப்பட்டுள்ளதாக தெரிவிக்கப்படுகிறது.