இஸ்ரேலின் இணைய தொழில்நுட்ப மையங்களையும், ஆயுத உற்பத்தி ஆலைகளையும் இலக்குவைத்து தாக்குதல் நடத்தியதாக ஈரான் தெரிவித்துள்ளது. ஈரானிய இராணுவத்தை மேற்கோள் காட்டி, தஸ்னிம் செய்தி நிறுவனம் இந்த தகவலை வெளியிட்டுள்ளது. இதன்படி, இஸ்ரேலிய காவல்துறைக்கு சொந்தமான இணைய மையங்கள் மற்றும் ஆயுத உற்பத்தி வசதிகள் தாக்குதலுக்கு இலக்காகியதாக கூறப்படுகிறது. “இன்று காலை முதல், சியோனிச ஆட்சியின் இணைய தொழில்நுட்ப மையங்களையும், ரஃபேல் ஆயுத உற்பத்தி வளாகத்தையும் ஆளில்லா விமானங்கள் மூலம் குறிவைத்து தாக்குதல் நடத்தப்பட்டுள்ளது” என குறிப்பிடப்பட்டுள்ளது.

குவைட்டை இலக்காகக் கொண்ட ஹெஸ்புல்லாவின் சதித்திட்டம் எனக் கூறப்படுவதை லெபனான் வெளியுறவு அமைச்சகம் கடுமையாகக் கண்டித்துள்ளது. ஹெஸ்புல்லாவுடன் தொடர்புடையவர்கள் என சந்தேகிக்கப்படும் 14 குவைட் குடிமக்கள் மற்றும் 02 லெபனான் நாட்டினர்கள் உட்பட 16 பேரை கைது செய்துள்ளதாக குவைட் உள்துறை அமைச்சகம் திங்களன்று தெரிவித்துள்ளது. இந்தக் கைது நடவடிக்கையைத் தொடர்ந்து, லெபனான் வெளியுறவு அமைச்சகம் தனது கண்டனத்தை வெளியிட்டுள்ளது. கைது செய்யப்பட்டவர்கள், நாட்டின் பாதுகாப்பை பாதிப்பதற்கும் புதிய உறுப்பினர்களை சேர்ப்பதற்கும் திட்டமிட்டிருந்ததாக குவைட் அதிகாரிகள் தெரிவித்துள்ளனர். […]

ஈரான் கடற்படையினரின் இறுதிச் சடங்குகளில் கலந்துகொள்ளுமாறு தெஹ்ரான் மக்களுக்கு ஈரான் ஜனாதிபதி மசூத் பெஷெஷ்கியன் அழைப்பு விடுத்துள்ளார். இந்த மாத தொடக்கத்தில் இலங்கைக் கடற்கரைக்கு அண்மையில் அமெரிக்க நீர்மூழ்கிக் கப்பல் தாக்குதலில் மூழ்கியதாக கூறப்படும் ஐரிஸ் தேனா (IRIS Dena)கப்பலில் உயிரிழந்த 84 மாலுமிகளுக்கான இறுதிச் சடங்குகள் நடைபெறவுள்ளன. இந்நிலையில் “இந்த தியாகிகளின் நினைவில் மேலும் ஆயிரக்கணக்கான வீரர்கள் உருவாகுவார்கள் என்பதை எதிரிகள் உணர வேண்டும்” என ஈரான் ஜனாதிபதி மசூத் பெஷெஷ்கியனை மேற்கோள்காட்டி டஸ்னிம் (Tasnim) […]

ஹார்முஸ் நீரிணை வழியாக எண்ணெய் கப்பல்கள் இயக்கம் குறித்து ஈரான் மற்றும் ஈராக் இடையே புரிந்துணர்வு ஏற்பட்டுள்ளதாக ஈராக் தெரிவித்துள்ளது. ஹர்முஸ் நீரிணை வழியாக ஈரானின் எண்ணெய் கப்பல்கள் பாதுகாப்பாகச் செல்லும் வகையில் ஒப்பந்தம் எட்டப்பட்டுள்ளதாக ஈராக் அமைச்சர் ஹயான் அப்துல்-கனி (Hayan Abdul-Ghani) தெரிவித்துள்ளார். அல் ஜசீராவுக்கு அளித்த பேட்டியிலேயே அவர் இதனைக் கூறியுள்ளார். பிராந்தியத்தில் அதிகரித்து வரும் பதற்றத்திற்கு மத்தியில் இந்த முன்னேற்றம் முக்கியமானதாகக் கருதப்படுகிறது. இதேவேளை, ஈரானின் வெளியுறவு அமைச்சர் அராக்சி, “ஹோர்முஸ் […]

ஈரானின் உயர்மட்ட பாதுகாப்பு அதிகாரியான அலி லாரிஜானி (Ali Larijani) கொலை செய்யப்பட்டுள்ளதாக இஸ்ரேல் பாதுகாப்பு அமைச்சர் இஸ்ரேல் காட்ஸ் (Israel Katz) தெரிவித்துள்ளார். இஸ்ரேல் நேற்றிரவு நடத்திய தாக்குதலில் அவர் உயிரிழந்ததாக தகவல் கிடைத்துள்ளதெனவும் அவர் கூறியுள்ளார். இருப்பினும், அலி லாரிஜானியிடமிருந்து செய்தி ஒன்று வெளியாகவுள்ளதாக ஈரானின் ‘தஸ்னிம்’ (Tasnim) மற்றும் ‘மெஹர்’ (Mehr) செய்தி நிறுவனங்கள் தெரிவித்துள்ளன. எவ்வாறாயினும், ஈரானிய அதிகாரிகளிடமிருந்து எவ்வித உத்தியோகப்பூர்வ அறிவிப்புகளும் வெளியாகவில்லையென சர்வதேச ஊடகங்கள் செய்தி வெளியிட்டுள்ளன.