ஸ்ரீலங்கா பொதுஜன பெரமுனவின் ஸ்தாபகரும் முன்னாள் அமைச்சர் பசில் ராஜபக்ஷ எதிர்வரும் 5ஆம் திகதி இலங்கைக்கு விஜயம் செய்யவுள்ளதாக பொதுஜன பெரமுன உறுப்பினர்கள் தெரிவித்துள்ளனர். அவரது வருகையின் பின்னர் ஜனாதிபதி தேர்தலுக்கு பொருத்தமான வேட்பாளரை தெரிவு செய்வது தொடர்பில் பாராளுமன்ற உறுப்பினர்கள் குழுவுடன் கலந்துரையாடவுள்ளதாக அரசியல் வட்டாரங்கள் தெரிவிக்கின்றன. எவ்வாறாயினும், தேர்தல் நெருங்கிய பின்னர்  பொதுஜன பெரமுனவின் ஜனாதிபதி வேட்பாளரை உத்தியோகபூர்வமாக அறிவிப்பார் என  அந்தக் கட்சியின் உறுப்பினர்கள் தெரிவிக்கின்றனர். மேலும், பலவீனமான வேட்பாளர் ஒருவர் ஜனாதிபதித் […]

கதிரனவத்த மட்குடு குயின் என அழைக்கப்படும் 45 வயதுடைய பெண்ணை பலத்த முயற்சிக்கு பின் இன்று பொலிஸார் கைது செய்துள்ளனர். காவல்துறையின் சிறப்புப் பணியகத்தின் அதிகாரிகள் அந்தப் பெண்ணின் வீட்டை சோதனையிட்டபோது, ​​​​அருகில் உள்ள பள்ளத்தில் குதித்து தப்பிக்க முயன்றார். பின்னர் கூடுதல் பொலிஸ் அதிகாரிகள் குழு சம்பவ இடத்திற்கு கொண்டு வரப்பட்டதை அடுத்து அவர் கைது செய்யப்பட்டார். அவளிடம் இருந்து 5 இலட்சம் ரூபாவுக்கும் அதிகமான பெறுமதியான போதைப்பொருள் கைப்பற்றப்பட்டதாக பொலிஸார் தெரிவித்தனர்.

கொழும்பு ஆர்மர் வீதியில் உள்ள ஹோட்டலுக்குள் இன்று (03) அதிகாலை   நுழைந்த சிலர் வாள்கள் மற்றும் பொல்லுகளால் ஹோட்டலின் சொத்துக்களுக்கு சேதம் விளைவித்ததுடன், ஊழியர்களையும் காயப்படுத்தியுள்ளனர். ஹோட்டலைப் பயன்படுத்துவது தொடர்பாக உரிமையாளருக்கும் குத்தகைதாரர்களுக்கும் இடையில் ஏற்பட்ட தகராறே தாக்குதலுக்கு வழிவகுத்துள்ளதாக பொலிஸார் தெரிவித்துள்ளனர். நள்ளிரவு 12.29 மணியளவில், ஹோட்டலுக்குள் ஆயுதம் ஏந்திய கும்பல் ஒன்று நுழைந்த விதம் அங்கு பொருத்தப்பட்டிருந்த சிசிடிவி கெமராவில் பதிவாகியுள்ளது. அந்த கும்பல் ஹோட்டல் உடைமைகள் மீது தாக்குதல் நடத்தப்பட்ட நேரத்தில், […]

முன்னாள் பாராளுமன்ற உறுப்பினர் எம்.கே.சிவாஜிலிங்கம் சென்னையில் உள்ள மருத்துவமனையில் அனுமதிக்கப்பட்டுள்ளார். திடீரென ஏற்பட்ட உடல்நல குறைவு காரணமாக அவர் வைத்தியசாலையில் அனுமதிக்கப்பட்டுள்ளதாக தெரிவிக்கப்பட்டுள்ளது. முன்னாள் பாராளுமன்ற உறுப்பினர் தற்போது வைத்தியசாலையின் தீவிர சிகிச்சை பிரிவில் சிகிச்சை பெற்று வருவதாக தெரிவிக்கப்படுகின்றது. எம்.கே.சிவாஜிலிங்கத்திற்கு எதிராக தொடரப்பட்டுள்ள வழக்கில் கலந்து கொள்வதற்காகவே அவர் கடந்த 29ஆம் திகதி கொழும்பு வந்துள்ளார். விசாரணை முடிந்து சென்னைக்கு சென்ற எம்.கே.சிவாஜிலிங்கம் அங்கு  திடீர் சுகயீனம் அடைந்துள்ளார்.

இலங்கை உதைபந்தாட்ட சங்கத்தின் அனுமதியுடன் முல்லைத்தீவு சென் ஜூட்ஸ் விளையாட்டுக்கழகம் நாடாத்தும் அமரர் ஜேம்ஸ் ஞாபகார்த்த வெற்றிக்கிண்ணத்திற்கான அணிக்கு 09 பேர் கொண்ட உதைபந்தாட்ட சுற்று போட்டியின் இறுதி போட்டியானது இன்று முல்லைத்தீவு பிரதேச சபை மைதானத்தில் இடம்பெற்றது. இப் போட்டியில் மயிலங்காடு ஞானமுருகன் விளையாட்டுக்கழகமும், உடுப்பிட்டி நவஜீவன்ஸ் விளையாட்டுக்கழகமும் பலபரீட்சையில் மோதின. நவஜீவன்ஸ் அணியினர் கடுமையாக போராடியும் துரதிஷ்டவசமாக எந்தவித கோல்களையும் போட முடியவில்லை. போட்டி நிறைவில் மயிலங்காடு ஞானமுருகன் அணியினர் 2:0 என்ற கோல்கணக்கில் […]