பிரான்ஸ் : மார்சேயில் உள்ள ரஷ்ய தூதரகத்தில் வெடிப்பு – உறுதிப்படுத்திய அதிகாரிகள்!

பிரான்ஸ் நகரமான மார்சேயில் உள்ள ரஷ்ய தூதரகத்தில் வெடிப்பு ஏற்பட்டதாக அப்பகுதிக்கான ரஷ்ய தூதரகம் தெரிவித்துள்ளது.

மார்சேயில் உள்ள ரஷ்ய தூதர் ஸ்டானிஸ்லாவ் ஓரான்ஸ்கி, இந்த வெடிப்பை லா மார்சேய்ஸ் செய்தித்தாளுக்கு உறுதிப்படுத்தினார். உயிரிழப்புகள் எதுவும் இல்லை என்று அவர் கூறினார்.

கட்டிடத்தைச் சுற்றி குண்டுவெடிப்பு சத்தம் கேட்டதாகவும், சுமார் 30 தீயணைப்பு வீரர்கள் சம்பவ இடத்தில் இருந்ததாகவும் உள்ளூர் ஊடகங்கள் செய்தி வெளியிட்டுள்ளன.

மார்சேயில் உள்ள ரஷ்ய துணைத் தூதரகத்தின் பிரதேசத்தில் நடந்த வெடிப்புகள் பயங்கரவாத தாக்குதலின் அனைத்து அடையாளங்களையும் கொண்டுள்ளன” என்று வெளியுறவு அமைச்சக செய்தித் தொடர்பாளர் மரியா ஜகரோவாவை TASS செய்தி நிறுவனத்தை மேற்கோள் காட்டி வெளிநாட்டு ஊடகங்கள் செய்தி வெளியிட்டுள்ளன.