கியூபாவில் பொருளாதார நெருக்கடி : வறுமையை எதிர்கொள்ள அழைப்பு!

அமெரிக்காவின் பொருளாதார தடைகளுக்கு மத்தியில் நாட்டின் பொருளாதாரத்தை வளப்படுத்த  சுற்றுலா, வெளிநாட்டு வர்த்தகம் மற்றும் தனியார் வணிகம் போன்ற முக்கியத் துறைகளில் சீர்த்திருத்தங்களை மேற்கொள்ள கியூபா ஜனாதிபதி அழைப்பு விடுத்துள்ளார்.

இது தொடர்பில் கருத்து வெளியிட்டுள்ள கியூப ஜனாதிபதி தியாஸ்-கானெல் (Díaz-Canel), “நாடு முடங்கிவிடவில்லை. நாடு இந்த முழு சூழ்நிலையையும் புத்திசாலித்தனமாக எதிர்கொள்கிறது.

நாம் செய்யும் அனைத்தையும் எதிரி கவனித்துக் கொண்டிருப்பதால், எல்லாவற்றையும் அவ்வளவு தெளிவாக நம்மால் விளக்க முடியாது,” என்று தெரிவித்துள்ளார்.

அதேநேரம் அமைச்சகங்களின் எண்ணிக்கையைக் குறைப்பதை நோக்கமாகக் கொண்ட அரசு நிர்வாக சீர்திருத்தத்தையும் கியூபத் தலைவர் அறிவித்தார்.