சிங்கப்பூரில் கடும் நெருக்கடியில் சிக்கியுள்ள சொக்லெட் கடைகள்!

சிங்கப்பூரில் உள்ள சிறிய சொக்லெட் கடைகளுக்கு கடுமையான பாதிப்பு ஏற்பட்டுள்ளதாக தெரிவிக்கப்படுகின்றது.

சொக்லெட் தயாரிப்புக்குப் பயன்படுத்தப்படும் கொக்கோவின் விலையேற்றமே இதற்கு காரணமாகியுள்ளது.

செலவுகளைக் குறைக்கவும் வருவாயைக் கூட்டவும் அவை சொக்லெட் மட்டும் விற்பனை செய்வதிலிருந்து மாறி வேறு தின்பண்டங்களையும் விற்பனை செய்கின்றன.

ஐவரி கோஸ்ட், கானா ஆகிய நாடுகளே கொக்கோவை உற்பத்தி செய்யும் முக்கிய நாடுகளாகும்.

அந்த நாடுகளில் பருவநிலை மாற்றம், நோய்ப்பரவல் போன்ற காரணங்களால் கொக்கோவின் விநியோகம் பாதிக்கப்பட்டது.. விலையும் கூடியது. சிங்கப்பூரில் உள்ள சிறிய கடைகளில் சில சொக்லெட் மட்டும் விற்பனை செய்வதைத் தவிர்த்து வேறு சில உத்திகளைக் கையாளுகின்றன.

பொதுமக்கள் சொக்லெட் செய்து பார்க்கும் வகுப்புகளைச் சில கடைகள் வழங்குகின்றன. இப்போதைக்குச் சொக்லெட் கடைக்காரர்கள் செலவுகளை ஈடுகட்ட முயற்சி செய்தாலும் சிறிது காலத்திற்குச் சொக்லெட்டின் விலை தொடர்ந்து அதிகமாக இருக்கும் என்று எதிர்பார்க்கப்படுகிறது.

புதிய கொக்கோ மரங்கள் வளர 3 முதல் 4 ஆண்டுகள் வரை பிடிக்கும். அனைத்துலகக் கொக்கோ அமைப்பு அதனைத் தெரிவித்தது. கொக்கோவின் உற்பத்தி இந்த ஆண்டு 10 சதவீதம் வரை குறையலாம் என்று எதிர்பார்க்கப்படுகிறது.

தொடர்புடைய செய்திகள்:

தந்தையை திருமணம் செய்துகொண்ட மகள் துருக்கி கடற்கரையில் படகு விபத்து – 21 புலம்பெயர்ந்தோர் பலி 2019ம் ஆண்டு ஹாங்காங் சட்டமன்றத்தை தாக்கிய 12 பேருக்கு சிறை தண்டனை இஸ்தான்புல்லில் ஹமாஸ் தலைவரை சந்தித்த துருக்கியின் எர்டோகன்