அலாஸ்கா-கனடா எல்லை பகுதியில் 7 ரிக்டர் அளவிலான நிலநடுக்கம் பதிவு

அலாஸ்காவிற்கும்(Alaska) கனேடிய(Canada) பிரதேசமான யூகோனுக்கும்(Yukon) இடையிலான எல்லைக்கு அருகிலுள்ள ஒரு தொலைதூரப் பகுதியில் 7.0 ரிக்டர் அளவிலான சக்திவாய்ந்த நிலநடுக்கம் பதிவாகியுள்ளது.

சுனாமி எச்சரிக்கை எதுவும் இல்லை, மேலும் சேதம் அல்லது காயம் ஏற்பட்டதாக உடனடி தகவல்கள் எதுவும் இல்லை என்று அதிகாரிகள் தெரிவித்தனர்.

அலாஸ்காவின் ஜூனோவிலிருந்து(Juneau) வடமேற்கே சுமார் 230 மைல்கள் (370 கிலோமீட்டர்) தொலைவிலும், யூகோனின் வைட்ஹார்ஸுக்கு(Whitehorse) மேற்கே 155 மைல்கள் (250 கிலோமீட்டர்) தொலைவிலும் ஏற்பட்டுள்ளதாக அமெரிக்க புவியியல் ஆய்வு மையம் தெரிவித்துள்ளது.

நிலநடுக்கத்தால் அதிகம் பாதிக்கப்பட்ட யூகோனின் பகுதி மலைப்பாங்கானது என்றும், குறைவான மக்கள் மட்டுமே இருப்பதாகவும் கனடாவின் நில அதிர்வு நிபுணர் அலிசன் பேர்ட்(Alison Baird) குறிப்பிட்டுள்ளார்.