3 லட்சம் ஆஸ்திரேலியர்களின் தரவுகளை திருடிய பேஸ்புக்!
சுமார் 03 இலட்சம் ஆஸ்திரேலியர்களின் தனிப்பட்ட தரவுகள் திருடப்பட்ட சம்பவத்தில் தமக்கு தொடர்பில்லை என பேஸ்புக் சமூக வலைத்தளமும் அதன் தற்போதைய உரிமையாளரான மெட்டா நிறுவனமும் தாக்கல் செய்த மேன்முறையீட்டை உயர்நீதிமன்றம் நிராகரித்துள்ளது.
அதன்படி, இது தொடர்பான வழக்கு விசாரணை ஃபெடரல் நீதிமன்றத்தில் தொடர அனுமதிக்கப்பட்டுள்ளது.
2014ஆம் ஆண்டு பேஸ்புக் சமூக வலைதளத்தில் வெளியிடப்பட்ட கருத்துக் கணிப்பில் இந்தத் தகவல்கள் திருடப்பட்டுள்ளதாகக் கூறப்படுகிறது.
இருப்பினும், இது பற்றிய முதல் தகவல் 2018 இல் தெரிவிக்கப்பட்டது.
அதுவரை கடந்த 04 வருட காலப்பகுதியில் ஆஸ்ஸ்திரேலியர்களுக்கு தெரியாமல் பல்வேறு அரசியல் மற்றும் வர்த்தக நடவடிக்கைகளுக்கு உரிய தரவுகள் பயன்படுத்தப்பட்டுள்ளதாக குற்றம் சுமத்தப்பட்டுள்ளது.
2016 அமெரிக்க அதிபர் தேர்தலில் டொனால்ட் டிரம்பின் வெற்றிக்கான வியூகங்களை தயாரிப்பதில் கூட இந்தத் தரவுகள் பயன்படுத்தப்பட்டதாகக் கூறப்படுகிறது.
இங்கு பேஸ்புக் எப்படியாவது குற்றவாளி என நிரூபிக்கப்பட்டால், அவர்களுக்கு 2.2 மில்லியன் ஆஸ்திரேலிய டாலர்கள் அபராதம் விதிக்கப்படும்.
(Visited 2 times, 1 visits today)
