கொட்டியாகல பிரதேசத்தில் தனிப்பட்ட தகராறு காரணமாக நேற்று காலை கூரிய ஆயுதத்தால் தாக்கப்பட்டு நபர் ஒருவர் கொலை செய்யப்பட்டுள்ளார். கம்மல்யாய, கொட்டியாகலை பிரதேசத்தை சேர்ந்த 45 வயதுடைய நபரொருவரே இவ்வாறு உயிரிழந்துள்ளார். நபர் ஒருவருடன் ஏற்பட்ட தனிப்பட்ட தகராறு காரணமாக இந்த கொலைச் சம்பவம் இடம்பெற்றுள்ளதாக பொலிஸார் தெரிவித்தனர். சம்பவம் தொடர்பில் கொட்டியாகல பிரதேசத்தில் வசிக்கும் 27 வயதுடைய சந்தேகநபர் ஒருவர் கைது செய்யப்பட்டுள்ளார். சம்பவம் தொடர்பான மேலதிக விசாரணைகளை எதிமலே பொலிஸார் மேற்கொண்டு வருகின்றனர்.

கொழும்பு துறைமுகத்தில் நங்கூரமிடப்பட்டிருந்த சிங்கபூர் சரக்கு கப்பலில் தீ பரவியது. தீயணைப்பு படையினரின் உதவியுடன் தீ கட்டுப்பாட்டுக்குள் கொண்டுவரப்பட்டதாக துறைமுக அதிகார சபையின் தலைவர் கீத்.டீ.பர்னாட் தெரிவித்துள்ளார். நேற்று முன்தினம் அதிகாலை இந்த கப்பலில் தீ பரவியுள்ளது. MSC CAPETOWN 3 எனப்படும் குறித்த சரக்கு கப்பல் 10ஆம் திகதி பிற்பகல் கொழும்பு துறைமுகத்தை வந்தடைந்தது. JCT 4 முனையத்தில் நங்கூரமிடப்பட்டிருந்த போது கப்பலில் தீ பரவியுள்ளது. பொட்டாசியம் காணப்பட்டதாக சந்தேகிக்கப்படும் கொள்கலனை அந்த சந்தர்ப்பத்தில் அகற்றியதாக […]