சுற்றுலாத் துறையை ஊக்குவிப்பதற்கு தேவையான வாகனங்களை இறக்குமதி செய்வதற்கு தேவையான பிரேரணைகள் அமைச்சரவையில் சமர்பிக்கப்பட்டுள்ளது. சுற்றுலாத் துறை அமைச்சர் ஹரின் பெர்ணான்டோ இந்த விடயத்தை தெரிவித்துள்ளார். அதற்கமைய, சுமார் ஆயிரம் வேன்களையும் கார்களையும் இறக்குமதி செய்ய நடவடிக்கை எடுத்து வருவதாக அவர் தெரிவித்தார். குறித்த பிரேரணைக்கு அடுத்த அமைச்சரவைக் கூட்டத்தில் அனுமதி கிடைக்கப்பெறும் என எதிர்பார்ப்பதாக சுற்றுலாத் துறை அமைச்சர் ஹரின் பெர்ணான்டோ மேலும் குறிப்பிட்டார்.

சட்டவிரோத கஞ்சா கலந்த மதனமோதகம் தொகை ஒன்றை விற்பனைக்காக வைத்திருந்த 25 வயதுடைய நபர் ஒருவர் பொலிஸ் விசேட அதிரடிப்படையினரால் கைது செய்யப்பட்டுள்ளார். ஹிங்குரக்கொட நகரின் இரண்டாவது குறுக்குத் தெரு பகுதியில் நேற்று (22) மேற்கொள்ளப்பட்ட சுற்றிவளைப்பின் போதே குறித்த நபர் கைது செய்யப்பட்டுள்ளார். சந்தேக நபரிடம் இருந்து 671 மதனமோதக பொட்டலங்கள் கண்டுபிடிக்கப்பட்டுள்ளன.

கொழும்பு உள்ளிட்ட எட்டு மாவட்டங்களில் வெப்பச் சுட்டெண் அதிகரித்துள்ளதாக வளிமண்டலவியல் திணைக்களம் தெரிவித்துள்ளது. அதற்கமைய, கொழும்பு, மேல் மாகாணத்தில் கம்பஹா, வடமேல் மாகாணத்தில் குருநாகல் மற்றும் புத்தளம், வடமத்திய மாகாணத்தில் அனுராதபுரம், பொலன்னறுவை, கிழக்கு மாகாணத்தில் திருகோணமலை மற்றும் தென் மாகாணத்தின் ஹம்பாந்தோட்டை ஆகிய மாவட்டங்களில் வெப்பச் சுட்டெண் அவதான நிலையில் காணப்படும் என குறிப்பிடப்படுகின்றது. இந்த மாவட்டங்களில் வெப்பக் குறியீடு 39 முதல் 45 வரை காணப்படும் என குறிப்பிடப்படுகின்றது. இதன் காரணமாக வெயிலில் படுவதும், […]