2023 (2024) ஆம் ஆண்டுக்கான சாதாரண தர (சா/த) பரீட்சைக்கான விண்ணப்பங்கள் ஜனவரி 23 ஆம் திகதி முதல் பெப்ரவரி 15 ஆம் திகதி வரை கோரப்படும் என பரீட்சைகள் திணைக்களம் இன்று அறிவித்துள்ளது. www.doenets.lk அல்லது www.onlineexams.gov.lk/eic ஆகிய உத்தியோகபூர்வ இணையத்தளங்கள் ஊடாக ஆன்லைன் மூலமாக மட்டுமே விண்ணப்பங்கள் ஏற்றுக்கொள்ளப்படும் என திணைக்களம் அறிவித்துள்ளது. ஆன்லைனில் விண்ணப்பிப்பதற்கான இறுதி திகதி பிப்ரவரி 15 நள்ளிரவு வரை ஏற்றுக்கொள்ளபப்டும் என அறிவிக்கப்பட்டுள்ளது.  

வெள்ளவத்தை பிரதேசத்தில் பொலிஸார் என கூறி இளைஞர் ஒருவரை சிலர் தாக்கும் காணொளி தற்போது சமூக வலைத்தளங்களில் பகிரப்பட்டு வருகின்றது. குறித்த இளைஞன் வீதிக்கு அருகில் நிற்பதும், குறித்த இடத்திற்கு முச்சக்கர வண்டியில் வந்த சிலர் அவரை தாக்குவதும் அங்கிருந்த சிசிடிவி காட்சிகளில் பதிவாகியுள்ளது. சட்டத்தை அமுல்படுத்தும் அதிகாரிகள் இவ்விடயத்தில் உடனடி கவனம் செலுத்த வேண்டும் என கோரிக்கைகள் வலுத்துவருகின்றன.

உயர்தரத்தை நிறைவு செய்யும் மாணவர்களுக்கு எதிர்வரும் பெப்ரவரி மாதம் முதல் பாடசாலையிலேயே தொழிற்கல்வி வழங்கப்படும் என கல்வி அமைச்சர்  சுசில் பிரேமஜயந்த தெரிவித்துள்ளார். தகவல் தொழில்நுட்பம் மற்றும் ஆங்கில மொழி அறிவு கொண்ட தொழில்சார் கல்வி குறித்த நடைமுறை பயிற்சி மற்றும் கோட்பாட்டு ஒத்திகையுடன் கூடிய நிகழ்ச்சி நடத்தப்பட உள்ளது. உயர்தரக் கல்வியை நிறைவு செய்யும் மாணவர்களை தொழிற்கல்விக்கு வழிநடத்தும் நோக்கில் இந்தத் தொழிற்பயிற்சித் திட்டம் நாடளாவிய ரீதியில் தெரிவு செய்யப்பட்ட 299 பாடசாலைகளில் நடைமுறைப்படுத்தப்படுவதாகவும் அமைச்சர் […]