ஸ்ரீலங்கா சுதந்திரக் கட்சியின் முன்னாள் செயலாளர் நாயகம், நாடாளுமன்ற உறுப்பினர் தயாசிறி ஜயசேகர மற்றும் எதிர்க்கட்சித் தலைவர் சஜித் பிரேமதாசவைச் சந்தித்ததாகத் தெரிவிக்கப்படுகிறது. எதிர்வரும் நாட்களில் முன்னெடுக்கவுள்ள அரசியல் விவகாரங்கள் தொடர்பில் இங்கு விரிவாக கலந்துரையாடப்பட்டதாகவும் தெரிவிக்கப்படுகிறது. தயாசிறி ஜயசேகர தனது எதிர்கால அரசியலை சஜித் பிரேமதாச தலைமையிலான ஐக்கிய மக்கள் சக்தியுடன் இணைந்து மேற்கொள்ளவுள்ளதாகத் தெரிவிக்கப்படுகிறது. ஸ்ரீலங்கா சுதந்திரக் கட்சியின் பொதுச் செயலாளர் பதவியில் இருந்து ஜயசேகர நீக்கப்பட்டுள்ளதுடன், ஸ்ரீலங்கா சுதந்திரக் கட்சியின் உறுப்புரிமையும் இடைநிறுத்தப்பட்டுள்ளது.

யாழ்ப்பாணத்தில் ஒரு கிளாஸ் வெந்நீருக்கு நூறு ரூபாய் அறவிட்ட பில் சமூக வலைதளங்களில் பரிமாறப்பட்டு வருகிறது. யாழ்ப்பாணம் பகுதியில் உள்ள உணவகம் ஒன்றில் சாப்பிடச் சென்ற குழுவிற்கான கட்டணம் 22,000 ரூபாவாகும். இது தொடர்பில் நுகர்வோர் அதிகார சபையிடம் முறைப்பாடு செய்ய எதிர்பார்த்துள்ளதாக தேசிய நுகர்வோர் முன்னணி தெரிவித்துள்ளது. நுகர்வோர் சட்டத்தில் சுடுநீருக்கு கட்டணம் வசூலிக்கும் முறை இல்லை என அதன் தலைவர் திரு.அசேல சம்பத் தெரிவித்துள்ளார்.

எதிர்வரும் வருடத்தில் இருபதாயிரம் ரூபாவைத் தாண்டும் வரியைச் செலுத்த வேண்டியிருக்கும் என பேராதனைப் பல்கலைக்கழகத்தின் பொருளாதாரம் மற்றும் புள்ளிவிபரவியல் திணைக்களத்தின் பேராசிரியர் வசந்த அத்துகோரல தெரிவித்துள்ளார். 2024 ஆம் ஆண்டளவில் அரசாங்கம் சுமார் 1400 பில்லியன் ரூபாவை எதிர்பார்க்கிறது, எனவே இந்த நாட்டில் சராசரியாக 4 பேர் கொண்ட குடும்பம் சுமார் 20,400 ரூபாவை VAT வரியாக செலுத்த வேண்டியிருக்கும் என்றார். கடந்த 2022ஆம் ஆண்டுடன் ஒப்பிடுகையில் இது 203% வளர்ச்சி என்றும், 2023ஆம் ஆண்டுடன் ஒப்பிடும்போது […]