பாகிஸ்தானில் மனித வெடிகுண்டு தாக்குதல் – 9 பொலிஸார் பலி!

தென்மேற்கு பாகிஸ்தானில் உள்ள பலுசிஸ்தான் மாகாணம் சிப்பி நகரில் இன்று பொலிஸார் ஒரு வாகனத்தில் சென்று கொண்டு இருந்தனர். அப்போது அந்த வாகனம் மீது தற்கொலை தாக்குதல் நடத்தப்பட்டது.

உடலில் வெடிகுண்டுகளை கட்டிக்கொண்டு மோட்டார் சைக்கிளில் வேகமாக வந்த நபர் பொலிஸ் வாகனம் மீது மோதினார். இதில் குண்டு வெடித்ததில் பொலிஸ் வாகனம் நொறுங்கியது. இந்த குண்டு வெடிப்பில் 9 பொலிஸார் பலியானார்கள். 15 பொலிஸார் படுகாயம் அடைந்தனர். அவர்களை மீட்டு வைத்தியசாலையில் சேர்த்தனர்.

இந்த தாக்குதலுக்கு எந்த அமைப்பும் பொறுப்பேற்கவில்லை. பாகிஸ்தானில் சமீப காலமாக தாக்குதல்கள் அதிகரித்து வருகிறது. சமீபத்தில் மசூதி ஒன்றிலும் பொலிஸ் தலைமை அலுவலகத்திலும் தாக்குதல் நடத்தப்பட்டது என்பது குறிப்பிட்டத்தக்கது. பலுசிஸ்தானில் எரிவாயு மற்றும் கனிம வளங்களை சுரண்டுவதாக குற்றம் சாட்டி போராளிகள் குழு ஒன்று அரசாங்கத்துடன் சண்டையிட்டு வருகிறது என்பது குறிப்பிடத்தக்கது.

தொடர்புடைய செய்திகள்:

சமநிலை இருக்கும் வரை தேர்தல்கள் இருக்காது – மரியம் நவாஸ் ஷெரீப் சீனாவின் புதிய பிரதமராக தேர்வு செய்யப்பட்ட லி கியாங் பாலியில் சுற்றுலா பயணிகள் மோட்டார் சைக்கிள் ஓட்ட தடை சிங்கப்பூரில் சுகாதாரத் துறையில் பணிபுரிபவர்களுக்குத் தொல்லை கொடுக்கும் கும்பல்