இந்தியாவில் வேகமாக பரவும் எக்ஸ்பிபி1.16 : வைத்தியர்கள் எச்சரிக்கை!

இந்தியாவில் சில மாநிலங்களில் கொரோனா பாதிப்பு மீண்டும் அதிகரித்து வருகிறது. இதற்கு எக்ஸ்பிபி1.16 என்ற உருமாறிய தொற்றின் எழுச்சிதான் காரணம் என கண்டறியப்பட்டுள்ளது.

இந்தியாவில் கடந்த ஜனவரி மாதம் எக்ஸ்பிபி1.16 வகை பாதிப்பு முதன் முதலில் கண்டறியப்பட்டது. தற்போது கொரோனா பரவல் மீண்டும் அதிகரித்துள்ள நிலையில் எக்ஸ்பிபி1.16 மாறுபாட்டில் பரவல் தீவிரமாக கண்காணிக்கப்பட்டு வருகிறது.

எக்ஸ்பிபி1.16 வகை கொரோனா பாதிப்புகளை அதிகரிக்க செய்கிறது. ஆனால் இந்த வகை தொற்றால் ஆபத்து தீவிரமாக இல்லை என கொரோனா வைரஸ் குறித்தும் அதன் உருமாற்றம் குறித்தும் ஆய்வு செய்யும் ஆய்வுக் கூடங்களின் கூட்டமைப்பான இன்சகாக்கின் இணை தலைவர் டாக்டர் சவுமித்ரா தாஸ் தெரிவித்துள்ளார்.

அவர் மேலும் கூறுகையில், இதை நாங்கள் முழுமையாக புரிந்து கொள்ள எங்களிடம் போதுமான தரவுகள் இல்லை. பெரும்பாலான இந்தியர்களிடம் தற்போது இயற்கையாகவே நோய் எதிர்ப்பு சக்தி அதிகரித்துள்ளது. மேலும் தடுப்பூசி போடப்பட்டு பாதுகாப்பாக இருப்பதால் புதிய வகை பாதிப்பு பெரிய அளவில் இருக்காது.ஆனால் தொற்றின் தீவிரத்தை எளிதாக கருதமுடியாது என்றார்.

இதே போல ஜெனோ மிக்ஸ் ஆராய்ச்சியாளர் டாக்டர் வினோத் ஸ்காரியா கூறுகையில், எக்ஸ்பிபி1.16 வகையால் தொற்று பாதிப்பு அதிகரித்து வரும் நிலையில் ஏற்கனவே உள்ள நோய் எதிர்ப்பு சக்திகளில் இருந்து புதிய மாறுபாடு தப்பிக்கலாம் எனத் தெரிவித்துள்ளார்.

தொடர்புடைய செய்திகள்:

மேக்கப் போட்டதால் திடீர்னு வீங்கி கருமையாகிய மணப்பெண் முகம்.. திருமணத்தை நிறுத்திய மாப்பிள்ளை! அபராத தொகையை செலுத்த கடன் வாங்கும் நீரவ் மோடி : இந்தியாவில் நியாயமான விசாரணை கிடைக்காது எனவும் குற்றச்சாட்டு! ராகுல் காந்தி இந்திய நாடாளுமன்ற உறுப்பினர் பதவியில் இருந்து நீக்கம் பெரும் லாபத்தை சம்பாதித்து அதானி குழுமம்