போர் பதற்றம் : டொலருக்கு நிகரான ரியாலின் பெறுமதி கடும் சரிவு

ஈரானில் சமீபகாலமாக அதிகரித்து வரும் போர் சூழல் காரணமாக அந்நாட்டின் ரியால் கடும் வீழ்ச்சியடைந்துள்ளது.

அமெரிக்க டொலருக்கு நிகரான ரியாலின் பெறுமதி நேற்றைய தினம் 1.94 மில்லியனைக் கடந்துள்ளது.

ஏறக்குறைய 1.67 சதவீதத்தால் வீழ்ச்சியை பதிவு செய்துள்ளதாகவும், டொலரின் பெறுமதி புதிய உச்சத்தை தொட்டுள்ளதாகவும் பொருளாதார நிபுணர்கள் தெரிவித்துள்ளனர்.

டொலரைப் போலவே யூரோவின் மதிப்பும் அதிகரித்துள்ளது. கடந்த வெள்ளிக்கிழமை நிலவரப்படி, ஒரு யூரோவின் பெறுதி 1.64 சதவீதத்தால் அதிகரித்து 2.22 மில்லியன் ரியால்களில் வர்த்தகமானது.

இதேவேளை இந்த ஆண்டின் தொடக்கத்தில் அமெரிக்க டொலருக்கு நிகரான ரியாலின் பெறுமதி 1.35 மில்லியனாக வர்த்தகமாகியிருந்த நிலையில் தற்போது 43.7 சதவீதத்தால் வீழ்ச்சிக்கண்டுள்ளமை குறிப்பிடத்தக்கது.