போர் அதிகார தீர்மானம் மீதான வாக்கெடுப்பு – குடியரசு கட்சியினரிடம் விடுக்கப்பட்ட கோரிக்கை!

ஈரான் மீதான ட்ரம்பின் போரை நிறுத்துவதற்கு ஆதரவாக வாக்களிக்குமாறு குடியரசுக் கட்சியினரை அமெரிக்க செனட்டர் சக் ஷூமர் (Chuck Schumer) வலியுறுத்தியுள்ளார்.

ட்ரம்ப் இந்தப் போரை முடிவுக்குக் கொண்டுவர மறுப்பதால், அமெரிக்கர்கள் ஒரு கேலன் பெட்ரோலுக்கு $4.50-க்கு மேல் செலுத்துகிறார்கள்.”

இந்நிலையில் செலவுகளை குறைக்கவும், துருப்புக்களை பாதுகாக்கவும் ஏதுவாக போரை முடிவுக்குக் கொண்டுவருவற்கு ஆதரவாக வாக்களிக்குமாறு, அவர் கோரிக்கை விடுத்துள்ளார்.

போரை முடிவுக்கு கொண்டுவருவதற்கான போர் அதிகாரத் தீர்மானத்தை ஜனநாயகக் கட்சியின் முன்வைக்கவுள்ளதாக தெரிவிக்கப்பட்டுள்ளது.

மேற்படி போர் அதிகாரத் தீர்மானம் என்பது, 60 நாட்கள் மோதலுக்குப் பிறகு, காங்கிரஸின் ஒப்புதல் இல்லாமல் அதிபர்கள் போரைத் தொடுப்பதைத் தடுப்பதற்காக வடிவமைக்கப்பட்டுள்ளது.

ஜனநாயகக் கட்சியினர் இந்தத் தீர்மானத்தை நிறைவேற்ற பலமுறை முயற்சி செய்துள்ளனர், ஆனால் அவர்கள் காங்கிரஸில் சிறுபான்மையினராக இருப்பதால், பெரும்பாலான வாக்குகள் கட்சி ரீதியாகப் பிரிந்துள்ளன.