ஈரான் போரால் ஆட்டம் காணும் கத்தார் பொருளாதாரம்

ஈரான் மீதான அமெரிக்கா – இஸ்ரேல் போரினால் கடுமையாகப் பாதிக்கப்பட்டுள்ள கத்தாரின் பொருளாதாரம், 2027ஆம் ஆண்டிலேயே மீண்டும் வளர்ச்சிப் பாதைக்குத் திரும்பும் என எதிர்பார்க்கப்படுவதாகப் பொருளாதார ஆய்வாளர்கள் தெரிவித்துள்ளனர்.

மத்திய கிழக்கு உலகளாவிய விவகாரங்களுக்கான பேரவையின் ஆய்வாளரும் அரசியல் நிபுணருமான ஷெய்கா அலனூத் பிந்த் ஹமத் அல் தானி, அல் ஜசீராவுக்கு வழங்கிய வழங்கிய நேர்காணலில் மேற்படி தகவலை வெளியிட்டுள்ளார்.

கட்டாரின் வருமானம் 42 சதவீதத்தால் வீழ்ச்சியடைந்துள்ளதுடன், மொத்த உள்நாட்டு உற்பத்தி (GDP) சுமார் 14 சதவீதத்தால் சுருங்கியுள்ளதாக அவர் குறிப்பிட்டுள்ளார்.

எனினும், 2027ஆம் ஆண்டின் முற்பகுதியிலேயே கட்டார் மீண்டும் வரவு–செலவுத் திட்ட உபரியைப் பதிவு செய்யும் நிலையை அடையும் என எதிர்பார்ப்பதாகவும் அவர் தெரிவித்துள்ளார்.

அதேவேளை, குளிர்காலம் நெருங்கி வரும் நிலையில், எரிசக்தித் தேவைகளைப் பூர்த்தி செய்வதற்காகப் பல ஐரோப்பிய நாடுகளால் நீண்டகாலம் காத்திருக்க முடியாது எனவும் அவர் சுட்டிக்காட்டியுள்ளார்.